യമണ്ടന് പ്രേമകഥയ്ക്ക് 'ക്ലീന് യു'; 25ന് തീയേറ്ററുകളില്
Synopsis
ബിബിന് ജോര്ജ്ജ്, വിഷ്ണു ഉണ്ണികൃഷ്ണന് എന്നിവര് ചേര്ന്ന് തിരക്കഥയൊരുക്കുന്ന ചിത്രം സംവിധാനം ചെയ്യുന്നത് നവാഗതനായ ബി സി നൗഫല് ആണ്. റൊമാന്റിക്-കോമഡി ചിത്രമാണ് 'ഒരു യമണ്ടന് പ്രേമകഥ'.
ഒന്നര വര്ഷത്തെ ഇടവേളയ്ക്ക് ശേഷം തീയേറ്ററുകളിലെത്തുന്ന ദുല്ഖര് സല്മാന്റെ മലയാളചിത്രം 'ഒരു യമണ്ടന് പ്രേമകഥ'യുടെ സെന്സറിംഗ് പൂര്ത്തിയായി. 'ക്ലീന് യു' സര്ട്ടിഫിക്കറ്റ് ആണ് ചിത്രത്തിന്. ഈ മാസം 25നാണ് റിലീസ്.
ബിബിന് ജോര്ജ്ജ്, വിഷ്ണു ഉണ്ണികൃഷ്ണന് എന്നിവര് ചേര്ന്ന് തിരക്കഥയൊരുക്കുന്ന ചിത്രം സംവിധാനം ചെയ്യുന്നത് നവാഗതനായ ബി സി നൗഫല് ആണ്. റൊമാന്റിക്-കോമഡി ചിത്രമാണ് 'ഒരു യമണ്ടന് പ്രേമകഥ'. ആന്റോ ജോസഫും സി ആര് സലിമും ചേര്ന്ന് നിര്മ്മിക്കുന്ന ചിത്രത്തിന് സംഗീതം പകരുന്നത് നാദിര്ഷയാണ്.
ദുല്ഖര് അവസാനമായി സ്ക്രീനില് മലയാളം സംസാരിച്ച ചിത്രം ബിജോയ് നമ്പ്യാരുടെ 'സോളോ'യാണ്. 2017 ഒക്ടോബര് ആദ്യമെത്തിയ ചിത്രം തമിഴിലും മലയാളത്തിലുമായാണ് റിലീസ് ചെയ്യപ്പട്ടത്. അതിന് മുന്പെത്തിയ ദുല്ഖര് ചിത്രം സൗബിന് ഷാഹിര് സംവിധാനം ചെയ്ത 'പറവ' ആയിരുന്നു. തെലുങ്കില് 'മഹാനടി'യും ബോളിവുഡിലെ അരങ്ങേറ്റചിത്രം 'കര്വാനും' പിന്നാലെയെത്തി.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ