ഇടിയുടെ മാലപ്പടക്കത്തിന് തിരി കൊളുത്താൻ ശ്രീനാഥ് ഭാസി; 'പൊങ്കാല' അഡ്വാന്സ് ബുക്കിംഗ് ആരംഭിച്ചു
Synopsis
എ ബി ബിനിൽ സംവിധാനം ചെയ്യുന്ന ഈ ആക്ഷൻ കോമഡി ത്രില്ലർ, 2000-ൽ വൈപ്പിൻ തീരദേശത്ത് നടന്ന ഒരു യഥാർത്ഥ സംഭവത്തെ ആസ്പദമാക്കിയുള്ളതാണ്
ശ്രീനാഥ് ഭാസി നായകനായ പൊങ്കാല എന്ന ചിത്രത്തിന്റെ ഓൺലൈൻ ബുക്കിംഗ് ആരംഭിച്ചു. എ ബി ബിനിൽ ആണ് ഈ ചിത്രത്തിന്റെ കഥയും തിരക്കഥയും ഒരുക്കി സംവിധാനം ചെയ്യുന്നത്. ഗ്ലോബല് പിക്ചേഴ്സ് എന്റര്ടെയ്ന്മെന്റ്, ജൂനിയര് 8 എന്നീ ബാനറുകളില് ഒരുങ്ങുന്ന ചിത്രം ദീപു ബോസും അനില് പിള്ളയും ചേര്ന്ന് നിർമ്മിക്കുന്നു. ഡോണാ തോമസ് ആണ് ചിത്രത്തിന്റെ കോ പ്രൊഡ്യൂസര്. ബാബുരാജ്, സുധീർ കരമന, സമ്പത്ത് റാം, അലൻസിയർ, കിച്ചു ടെല്ലസ്, സൂര്യകൃഷ്, ഇന്ദ്രജിത്ത് ജഗജിത്, ജീമോൻ ജോർജ്, മുരുകൻ മാർട്ടിൻ, യാമി സോന, സ്മിനു സിജോ, ശാന്തകുമാരി, രേണു സുന്ദർ എന്നിവരും ചിത്രത്തിൽ പ്രധാന കഥാപാത്രങ്ങളായെത്തുന്നു.
ആക്ഷന് ഏറെ പ്രാധാന്യം കൊടുത്ത് ഒരുങ്ങുന്ന പൊങ്കാല ശ്രീനാഥ് ഭാസിയുടെ മഞ്ഞുമ്മൽ ബോയ്സ് എന്ന ഹിറ്റ് ചിത്രത്തിനു ശേഷം ഒരു നടന്ന സംഭവത്തെ ആസ്പദമാക്കി ഒരുങ്ങുന്ന ചിത്രം കൂടിയാണ്. ആക്ഷൻ കോമഡി ത്രില്ലർ ശ്രേണിയിൽ പെടുന്ന ചിത്രത്തിന്റെ ഷൂട്ടിംഗ് വൈപ്പിൻ, ചെറായി ഭാഗങ്ങളിലായിരുന്നു. 2000 കാലഘട്ടത്തിൽ ഹാർബർ പശ്ചാത്തലമാക്കി വൈപ്പിൻ, മുനമ്പം തീരദേശത്ത് നടന്ന ഒരു സംഭവ കഥയെ ആസ്പദമാക്കി അവതരിപ്പിക്കുന്ന ചിത്രമാണിത്.
ഛായാഗ്രഹണം: ജാക്സണ്, എഡിറ്റര്: അജാസ് പുക്കാടന്, സംഗീതം: രഞ്ജിന് രാജ്, മേക്കപ്പ്: അഖില് ടി. രാജ്, കോസ്റ്റ്യും ഡിസൈന്: സൂര്യാ ശേഖര്, ആര്ട്ട്: നിധീഷ് ആചാര്യ, പ്രൊഡക്ഷന് കണ്ട്രോളര്: സെവന് ആര്ട്സ് മോഹന്, ഫൈറ്റ്: മാഫിയ ശശി, രാജശേഖര്, പ്രഭു ജാക്കി, കൊറിയോഗ്രാഫി: വിജയ റാണി, പിആര്ഒ: മഞ്ജു ഗോപിനാഥ്, സ്റ്റില്സ്: ജിജേഷ് വാടി, ഡിസൈന്സ്: അര്ജുന് ജിബി, മാർക്കറ്റിംഗ് : ബ്രിങ്ഫോർത്ത്, സോഷ്യൽ മീഡിയ പ്രൊമോഷൻ: ഒബ്സ്ക്യൂറ എന്റർടൈമെന്റ്. ഗ്രെയ്സ് ഫിലിം കമ്പനി ഈ ചിത്രം കേരളത്തിൽ പ്രദർശനത്തിന് എത്തിക്കും.