പ്രതീക്ഷ കാക്കുമോ പ്രഭാസിന്റെ ഭൈരവ?, ഇതാ നിര്മാതാവിന്റെ മറുപടി
Synopsis
ഭൈരവയിൽ പ്രതീക്ഷകളോടെ നിർമാതാവ്.
പ്രഭാസിന്റെ ആരാധകര് ആകാംക്ഷയോടെ കാത്തിരിക്കുന്ന ചിത്രങ്ങളില് പ്രധാനപ്പെട്ടതാണ് കല്ക്കി 2898 എഡി. മെയ് ഒമ്പതിനാണ് റിലീസ് പ്രഖ്യാപിച്ചിരിക്കുന്നത്. കല്ക്കി 2898 എഡിയിലെ നായകനെ കുറിച്ച് നിര്മാതാവ് പങ്കുവെച്ച പ്രതീക്ഷ ആരാധകര് ചര്ച്ചയാക്കുകയാണ്. കല്ക്കി 2898 എഡിയിലെ നായക കഥാപാത്രമായ ഭൈരവ കുറേക്കാലും ആള്ക്കാരുടെ ഹൃദയത്തില് നിലനില്ക്കും എന്നാണ് നിര്മാതാക്കളിലൊരാളായ സ്വപ്ന ദത്ത് പ്രതീക്ഷ പ്രകടിപ്പിച്ചത്.
കല്ക്കി 2898 എഡിയുടെ കഥ സംവിധായകൻ നാഗ് അശ്വിൻ സൂചിപ്പിച്ചതും പ്രഭാസിന്റെ ആരാധകരെ ആവേശത്തിലാക്കിയിരുന്നു. ഇതിഹാസ കാവ്യമായ മഹാഭാരത കാലത്ത് തുടങ്ങുന്നതായിരിക്കും പ്രഭാസിന്റെ കല്ക്കി 2898 എഡിയുടെ പ്രമേയം. അവസാനിക്കുന്നത് 2898 എഡിയിലുമായിരിക്കുമെന്നും വ്യക്തമാക്കിയ സംവിധായകൻ നാഗ് അശ്വിൻ പ്രഭാസ് നായകനാകുന്ന ചിത്രത്തിന്റെ കഥ 6000 വര്ഷങ്ങളിലായി വ്യാപരിച്ച് നില്ക്കുന്നതായിരിക്കും എന്നും പറഞ്ഞു. കല്ക്കി 2989 എഡിക്ക് ഒമ്പത് ഭാഗങ്ങളുണ്ടാകും എന്ന് നടൻ അഭിനവ് ഒരു അഭിമുഖത്തില് പറഞ്ഞതായി ട്രേഡ് അനലിസ്റ്റുകള് റിപ്പോര്ട്ട് ചെയ്തിരുന്നു.
ദേശീയതലത്തില് അംഗീകരിക്കപ്പെട്ട പ്രശസ്ത തെലുങ്ക് സംവിധായകൻ നാഗ് അശ്വിൻ ഒരുക്കുന്ന കല്ക്കി 2898 എഡിയുടെ ടീസറിന് ഒരു മിനിട്ടും 23 സെക്കൻഡുമാണ് ദൈര്ഘ്യമെന്നും വൈകാതെ റിലീസ് ചെയ്യുമെന്നാണ് റിപ്പോര്ട്ട്. ദീപിക പദുക്കോണ് നായികയാകുമ്പോള് പ്രഭാസ് ചിത്രത്തില് മറ്റ് പ്രധാന വേഷങ്ങളില് ഉലകനായകൻ കമല്ഹാസനൊപ്പം അമിതാഭ് ബച്ചനും എത്തുന്നുണ്ടെന്നതും ആവേശത്തിലാക്കുന്നു. പ്രഭാസ് നായകനാകുന്നത് ടൈം ട്രാവല് സിനിമ അല്ല എന്ന് സംഭാഷണ രചയിതാവായ സായ് മാധവ് ബുറ നേരത്തെ വ്യക്തമാക്കിയിരുന്നു. സംവിധായകൻ നാഗ് അശ്വിൻ തിരക്കഥാകൃത്തുമായ ചിത്രത്തിന്റെ പിആര്ഒ ശബരിയാണ്.
സി അശ്വനി ദത്താണ് പ്രഭാസ് ചിത്രത്തിന്റെ പ്രധാന നിര്മാതാവ്. പ്രഭാസിന്റെ കല്ക്കി 2898 എഡി സിനിമ എപിക് സയൻസ് ഫിക്ഷനായി എത്തുമ്പോള് നിര്മാണം വൈജയന്തി മൂവീസിന്റെ ബാനറിലായിരിക്കും. തമിഴകത്തെ നിരവധി ഹിറ്റ് ഗാനങ്ങള്ക്ക് സംഗീതം നല്കിയ സന്തോഷ് നാരായണനായിരിക്കും 'കല്ക്കി 2898 എഡി'യുടെയും പാട്ടുകള് ഒരുക്കുകയെന്നാണ് റിപ്പോര്ട്ട്. എന്തായാലും കല്ക്കി 2898 എഡി സിനിമയ്ക്കായി കാത്തിരിക്കുകയാണ് നടൻ പ്രഭാസിന്റെ ആരാധകര്.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക