ആ നിര്ണായക തീരുമാനമെടുത്തോ?, പ്രഭാസ് ചിത്രം സലാറില് ആശങ്ക പരന്നു, പിന്നീട് സംഭവിച്ചത്
Synopsis
സലാറിന്റെ കുതിപ്പിന് തടസ്സമാകുന്ന തീരുമാനമെടുത്തുന്നുവെന്നാണ് വാര്ത്ത പ്രചരിച്ചത്.
പ്രഭാസ് നായകനായി എത്തിയ പുതിയ ചിത്രം സലാര് വമ്പൻ ഹിറ്റിലേക്ക് കുതിക്കുകയാണ്. ഉത്തരേന്ത്യയിലടക്കം വലിയ സ്വീകാര്യതയാണ് പ്രഭാസ് ചിത്രം സലാറിന് ലഭിക്കുന്നത് എന്നാണ് പ്രധാന പ്രത്യേകത. കളക്ഷനില് പല റെക്കോര്ഡുകളും പ്രഭാസ് ചിത്രം മറികടക്കും എന്നാണ് ബോക്സ് ഓഫീസ് റിപ്പോര്ട്ടുകളും. ഒടിടിയിലേക്ക് സലാര് ജനുവരിയില് എത്തിയേക്കുമെന്ന വാര്ത്ത പ്രചരിക്കുന്നതില് പ്രതികരണം ലഭ്യമായതായി തെലുങ്ക് മാധ്യമങ്ങള് റിപ്പോര്ട്ട് ചെയ്യുന്നു.
പ്രഭാസിന്റെയും പൃഥ്വിരാജിന്റെയും സലാര് സിനിമയുടെ ഒടിടി റൈറ്റ് നേടിയിരിക്കുന്നത് നെറ്റ്ഫ്ലിക്സ് ആണ് എന്ന് നേരത്തെ റിപ്പോര്ട്ടുകളുണ്ടായിരുന്നു. ഒടിടി റൈറ്റ് വിറ്റത് 120 കോടി രൂപയ്ക്കാണ് എന്നും റിപ്പോര്ട്ടുകള് ഉണ്ടായി. ഇത് റെക്കോര്ഡ് തുകയാണെന്നുമായിരുന്നു റിപ്പോര്ട്ട്. ജനുവരി 12ന് സംക്രാന്തി റിലീസായി ഒടിടിയില് സലാര് എത്തുമെന്ന് അടുത്തിടെ ഓണ്ലൈനില് പ്രചരണമുണ്ടായി. ഇത് ആശയക്കുഴപ്പത്തിനും കാരണമായി. ഇക്കാര്യത്തില് വാസ്തവമില്ല എന്ന് വ്യക്തമാക്കി ചിത്രത്തിന്റെ നിര്മാതാക്കള് വ്യക്തമാക്കുകയും ആരാധകര് ആശ്വാസത്തിലായെന്നും തെലുങ്ക് മാധ്യമങ്ങള് റിപ്പോര്ട്ട് ചെയ്യുന്നു. ഒടിടി റിലീസ് ജനുവരി ആദ്യമുണ്ടായാല് കളക്ഷൻ റെക്കോര്ഡുകളെ സാരമായി ബാധിക്കില്ലേ എന്ന ആശങ്കയാണ് നിര്മാതാക്കള് വാര്ത്ത നിഷേധിച്ചതോടെ ഇല്ലാതായത്.
സംവിധായകൻ പ്രശാന്ത് നീലിന്റെ പുതിയ ചിത്രത്തില് ബാഹുബലി നായകൻ പ്രഭാസും എത്തിയപ്പോഴുള്ള വൻ ഹൈപ്പിലായിരുന്നു സലാര് റിലീസായത്. കെജിഎഫ് എന്ന വമ്പൻ ഹിറ്റിന്റെ സംവിധായകനാണ് പ്രശാനത് നീല് എന്നതും സലാറില് പ്രതീക്ഷകള് വര്ദ്ധിപ്പിച്ചു. ആ പ്രതീക്ഷകള് നിറവേറ്റുന്നതാണ് സലാര് സിനിമയ്ക്ക് രാജ്യമാകെ ലഭിക്കുന്ന സ്വീകരണം. സലാര് ഒരു മികച്ച ആക്ഷൻ ചിത്രമായിട്ട് ഒരു പ്രത്യേക കാലഘട്ടത്തില് നടന്ന കഥയാണ് പറയുന്നത്.
കേരളത്തിലെ ആകാംക്ഷ പൃഥ്വിരാജിലായിരുന്നു. പ്രഭാസിനൊപ്പം മലയാളത്തിന്റെ പൃഥ്വിരാജും സലാര് സിനിമയില് നിര്ണായക വേഷത്തില് എത്തുമ്പോള് എങ്ങനെയുണ്ടാകും എന്ന് അറിയാനുള്ള കാത്തിരിപ്പിലായിരുന്നു കേരളം. എന്തായാലും പ്രഭാസ് സലാറിന്റെ തന്റെ കഥാപാത്രം മികച്ചതാക്കി എന്നാണ് പൊതുവെയുള്ള അഭിപ്രായങ്ങള്. പ്രഭാസിനൊപ്പം നിറഞ്ഞുനില്ക്കുന്ന ഒരു കഥാപാത്രമാണ് ചിത്രത്തില് പൃഥ്വിരാജിനുള്ളതും.
Read More: ആമിറും പ്രഭാസുമല്ല, ഇന്ത്യയില് 100 കോടി ക്ലബില് ആ ഡിസ്കോ ഡാൻസറാണ് ആദ്യമെത്തിയത്
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ