Radhe Shyam movie : 'രാധേ ശ്യാ'മില് ഡോ. യു വി കൃഷ്ണം രാജു, ഫസ്റ്റ് ലുക്ക് പങ്കുവെച്ച് പ്രഭാസ്
Synopsis
പ്രഭാസ് നായകനാകുന്ന പുതിയ ചിത്രത്തില് ഇതിഹാസ താരം ഡോ. യു വി കൃഷ്ണം രാജുവും.
പ്രഭാസ് നായകനാകുന്ന പുതിയ ചിത്രമാണ് 'രാധേ ശ്യാം' (Radhe Shyam). രാധ കൃഷ്ണ കുമാറിന്റെ സംവിധാനത്തിലാണ് 'രാധേ ശ്യാം'. 'രാധേ ശ്യാം' ചിത്രത്തിലെ ഫോട്ടോകള് ഓണ്ലൈനില് തരഗമായിരുന്നു. ഡോ. യു വി കൃഷ്ണം രാജുവിന്റെ (Dr U V Krishnam Raju) ഫസ്റ്റ് ലുക്ക് ആണ് ഇപോള് 'രാധേ ശ്യാമി'ലേതായി പുറത്തുവിട്ടിരിക്കുന്നത്.
'പരമഹംസ' എന്ന കഥാപാത്രമായിട്ടാണ് ചിത്രത്തില് തെലുങ്കിലെ ഇതിഹാസ താരം ഡോ. യു വി കൃഷ്ണം രാജു അഭിനയിക്കുന്നത്. നായികാ കഥാപാത്രമായ 'പ്രേരണ'യായി ചിത്രത്തില് പൂജ ഹെഗ്ഡെ അഭിനയിക്കുന്നു. കൈനോട്ടക്കാരനായ 'വിക്രമാദിത്യ' എന്ന കഥാപാത്രത്തെയാണ് പ്രഭാസ് അവതരിപ്പിക്കുന്നത്. ഏറെ കാലത്തിന് ശേഷമാണ് പ്രഭാസ് റൊമാന്റിക് വേഷത്തിലെത്തുന്നത്.
ഭൂഷണ് കുമാര്, വാംസി, പ്രമോദ് എന്നിവര് ചേര്ന്ന് നിര്മ്മിക്കുന്നു. യുവി ക്രിയേഷന്, ടി - സീരീസ് ബാനറിലാണ് നിര്മാണം. എക്സിക്യൂട്ടീവ് പ്രൊഡ്യൂസര്- എന്. സന്ദീപ്. സച്ചിൻ ഖറേഡേക്കര്, പ്രിയദര്ശിനി, മുരളി ശര്മ, സാഷ ഛേത്രി, കുനാല് റോയ് കപൂര് തുടങ്ങിയവരും പ്രധാന കഥാപാത്രങ്ങളായി എത്തുന്നു.
ആക്ഷന്: നിക്ക് പവല്. ശബ്ദ രൂപകല്പന: റസൂല് പൂക്കുട്ടി. നൃത്തം: വൈഭവി,കോസ്റ്റ്യൂം ഡിസൈനര്: തോട്ട വിജയഭാസ്കര്, ഇഖ ലഖാനി.