RRR Movie : തെലുങ്ക് 'അയ്യപ്പനും കോശി'ക്കും നന്ദി പറഞ്ഞ് എസ് എസ് രാജമൗലി
Synopsis
'അയ്യപ്പനും കോശിയും' എന്ന ചിത്രത്തിന്റെ തെലുങ്ക് റീമേക്കില് പവൻ കല്യാണാണ് നായകൻ.
രാജമൗലി (Rajamouli)സംവിധാനം ചെയ്യുന്ന ചിത്രം 'ആര്ആര്ആറി'നായുള്ള ( RRR) കാത്തിരിപ്പിലാണ് എല്ലാവരും. ജനുവരി ഏഴിന് ആണ് ചിത്രം റിലീസ് ചെയ്യുക. രാജമൗലിയുടെ 'ആര്ആര്ആര്' എന്ന ചിത്രത്തിന്റെ ട്രെയിലറടക്കം ഓണ്ലൈനില് തരംഗമായിരുന്നു. ഇപോഴിതാ പവൻ കല്യാണിന്റെ ചിത്രം റിലീസ് മാറ്റിവെച്ചതിന് നന്ദി പറയുകയാണ് രാജമൗലി.
'ബാഹുബലി' എന്ന സൂപ്പര്ഹിറ്റിന് ശേഷം രാജമൗലി സംവിധാനം ചെയ്യുന്നതാണ് 'ആര്ആര്ആര്'. മലയാളത്തില് സൂപ്പര്ഹിറ്റ് ചിത്രങ്ങളില് ഒന്നായ 'അയ്യപ്പനും കോശി'യുടെയും തെലുങ്ക് റീമേക്കും 'ആര്ആര്ആര്' എത്തി ഒരാഴ്ച കഴിയും മുന്നേ റിലീസ് ചെയ്യാൻ തീരുമാനിച്ചിരുന്നു. 'അയ്യപ്പനും കോശിയും' എന്ന ചിത്രത്തിന്റെ തെലുങ്ക് പതിപ്പും ഏറെ ചര്ച്ചകളില് നിറഞ്ഞതാണ്. പവൻ കല്യാണ് നായകനാകുന്ന ചിത്രം 'ഭീംല നായക്' ജനുവരി ഏഴിന് റിലീസ് ചെയ്യുമെന്നായിരുന്നു അറിയിച്ചിരുന്നത്. എന്തായാലും ഇപോള് രാജമൗലി ചിത്രം പ്രമാണിച്ച് 'ഭീംല നായക്' റിലീസ് മാറ്റിയിരിക്കുകയാണ്. 'ഭീംല നായക്' എന്ന ചിത്രം ശിവരാത്രി റിലിസായിട്ടാണ് ചിത്രം പ്രദര്ശനത്തിന് എത്തുക. 'ഭീംല നായക്' എന്ന ചിത്രത്തിന്റെ റിലീസ് മാറ്റാൻ തയ്യാറായതില് പവൻ കല്യാണിനും നന്ദി പറയുകയാണ് രാജമൗലി.
ഡിവിവി എന്റര്ടൈന്മെന്റിന്റെ ബാനറില് ഡിവിവി ദാനയ്യയാണ് ചിത്രം നിര്മ്മിക്കുന്നത്. ഇംഗ്ലീഷിനു പുറമെ പോര്ച്ചുഗീസ്, കൊറിയന്, ടര്ക്കിഷ്, സ്പാനിഷ് ഭാഷകളിലും ചിത്രം എത്തും. ഹിന്ദി ഒഴികെയുള്ള പതിപ്പുകളുടെ സാറ്റലൈറ്റ് റൈറ്റ് സ്റ്റാര് ഇന്ത്യയുടെ ഉടമസ്ഥതയിലുള്ള ചാനലുകള്ക്കാണ്. തെലുങ്ക് പതിപ്പ് സ്റ്റാര് മായിലും തമിഴ് പതിപ്പ് സ്റ്റാര് വിജയിലും മലയാളം പതിപ്പ് ഏഷ്യാനെറ്റിലും കന്നഡ പതിപ്പ് സ്റ്റാര് സുവര്ണ്ണയിലും പ്രദര്ശിപ്പിക്കും.
രാജമൗലിയുടെ പുതിയ ചിത്രത്തില് പ്രധാന കഥാപാത്രങ്ങളായി ജൂനിയര് എന്ടിആര്, രാംചരണ് എന്നിവരാണ് എത്തുക. അജയ് ദേവ്ഗണ്, ആലിയ ഭട്ട്, ഒലിവിയ മോറിസ്, റേ സ്റ്റീവെന്സണ്, അലിസണ് ഡൂഡി തുടങ്ങിയ താരങ്ങളാണ് രാജമൗലിയുടെ 'ആര്ആര്ആറി'ല് അഭിനയിപ്പിക്കുക. 1920കള് പശ്ചാത്തലമാക്കുന്ന ചിത്രം അല്ലൂരി സീതാരാമ രാജു, കോമരം ഭീം എന്നീ സ്വാതന്ത്ര്യ സമര സേനാനികളുടെ കഥയാണ് പറയുന്നത്. യഥാര്ഥ ജീവിതത്തില് നേരിട്ട് കണ്ടിട്ടില്ലാത്ത ഇവര് പരസ്പരം കണ്ടിരുന്നെങ്കിലോ എന്ന ഭാവനയിലാണ് ചിത്രത്തിന്റെ കഥ രാജമൗലി എഴുതിയിരിക്കുന്നത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ