Hit The First Case song : രാജ്കുമാര് റാവുവിന്റെ 'ഹിറ്റ്: ദ ഫസ്റ്റ് കേസ്', ഗാനം പുറത്തുവിട്ടു
Synopsis
രാജ്കുമാര് റാവു നായകനാകുന്ന ചിത്രത്തിലെ ഗാനം പുറത്ത് (Hit: The First Case).
'ഹിറ്റ്: ദ ഫസ്റ്റ് കേസ്' കഴിഞ്ഞ മെയ് 20ന് റിലീസ് പ്രഖ്യാപിച്ചിരുന്നതായിരുന്നു. ചില സാങ്കേതിക കാരണങ്ങളാല് വൈകിയ ചിത്രം ജൂണ് 15ന് തിയറ്ററുകളില് എത്തുകയാണ്. ഇപ്പോഴിതാ ''ഹിറ്റ്: ദ ഫസ്റ്റ് കേസി'ന്റെ വീഡിയോ ഗാനം പുറത്തുവിട്ടിരിക്കുകയാണ്. വിക്രം റാവു' എന്ന കഥാപാത്രമായാണ് ചിത്രത്തില് രാജ്കുമാര് റാവു അഭിനയിക്കുന്നത്. ശൈലേഷ് കൊലനുവാണ് ചിത്രം സംവിധാനം ചെയ്യുന്നത്.
എസ് മണികണ്ഠനാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. രാധിക ജോഷി, ഭൂഷൻ കുമാര്, ദില് രാജു, കുല്ദീപ് റാത്തോര് എന്നിവരാണ് ഹിറ്റ്: ദ ഫസ്റ്റ് കേസ് നിര്മിക്കുന്നത്. ശൈലേഷ് കൊലനു ആണ് ചിത്രത്തിന്റെ തിരക്കഥയും എഴുതുന്നത്. സാന്യ മല്ഹോത്രയാണ് ചിത്രത്തില് രാജ്കുമാര് റാവുവിന്റെ നായികയായി എത്തുന്നത്.
'ബധായി ദൊ' എന്ന ചിത്രമാണ് രാജ്കുമാര് റാവുവിന്റേതായി ഏറ്റവും ഒടുവില് പ്രദര്ശനത്തിന് എത്തിയത്. ഹര്ഷവര്ധൻ കുല്ക്കര്ണി ആണ് ചിത്രം സംവിധാനം ചെയ്തത്. ഭൂമി പെഡ്നേകര് ആണ് ചിത്രത്തില് നായികയായി അഭിനയിച്ചത്. ബധായി ദൊ എന്ന ചിത്രം മോശമല്ലാത്ത പ്രതികരണം നേടിയിരുന്നു.
കമല്ഹാസന്റെ 'വിക്ര'ത്തിന്റെ ഒടിടി റിലീസ് പ്രഖ്യാപിച്ച് ഹോട്സ്റ്റാര്
കമല്ഹാസൻ നായകനായി ഏറ്റവും ഒടുവില് പ്രദര്ശനത്തിന് എത്തിയ ചിത്രമാണ് 'വിക്രം'. ലോകേഷ് കനകരാജ് ആണ് ചിത്രം സംവിധാനം ചെയ്തത്. തമിഴകത്തിന്റെ ഇൻഡസ്ട്രി ഹിറ്റായി മാറിയ ചിത്രം മറ്റ് സംസ്ഥാനങ്ങളിലും ബോക്സ് ഓഫീസ് റെക്കോര്ഡുകള് സ്വന്തമാക്കിയിരുന്നു. ഇപ്പോഴിതാ കമല്ഹാസന്റെ 'വിക്ര'മെന്ന ചിത്രത്തിന്റെ ഒടിടി റിലീസ് തിയ്യതി അറിയിച്ച് പ്രൊമൊ പുറത്തുവിട്ടിരിക്കുകയാണ്.
നേരത്തെ റിപ്പോര്ട്ടുകള് വന്നതുപോലെ തന്നെ ചിത്രം ജൂലൈ എട്ടിനാണ് സ്ട്രീമിംഗ് ആരംഭിക്കുക. ഡിസ്നി പ്ലസ് ഹോട്സ്റ്റാറിലാണ് ചിത്രം കാണാനാകുക. സൂര്യയുടെ ഗംഭീരമായ അതിഥി റോള് 'വിക്രമി'ന്റെ പ്രത്യേകതയായിരുന്നു. അതിഥി വേഷത്തിലെത്തിയ സൂര്യ തന്റെ സ്വപ്നസാക്ഷാത്കാരമാണ് ഇതെന്നാണ് പറഞ്ഞത്. പ്രിയപ്പെട്ട കമല്ഹാസൻ അണ്ണാ, താങ്കള്ക്കൊപ്പം സ്ക്രീൻ പങ്കിടുകയെന്ന സ്വപ്നമാണ് യാഥാര്ഥ്യമായിരിക്കുന്നത്. അത് സാധ്യമാക്കിയതിന് നന്ദി. എല്ലാവരുടെയും സ്നേഹം ആവേശഭരിതനാക്കുന്നു എന്നും ലോകേഷ് കനകരാജിനോടായി സൂര്യ ട്വിറ്ററില് പറഞ്ഞിരുന്നു, കമല്ഹാസനൊപ്പം 'വിക്രം' എന്ന ചിത്രത്തില് മലയാളി താരങ്ങളും അഭിനയിച്ചിരുന്നുണ്ട്. ഫഹദ്, കാളിദാസ് ജയറാം, നരേൻ തുടങ്ങിയവരാണ് ചിത്രത്തില് അഭിനയിച്ചത്.
കമല്ഹാസന്റെ 'വിക്ര'ത്തിന്റെ ഓഡിയോ റൈറ്റ്സ് സോണി മ്യൂസിക് ആണ് സ്വന്തമാക്കിയിരുന്നത്. വൻ തുകയ്ക്കാണ് കമല്ഹാസൻ ചിത്രത്തിന്റെ ഓഡിയോ റൈറ്റ്സ് സോണി മ്യൂസിക് സ്വന്തമാക്കിയതെന്നായിരുന്നു റിപ്പോര്ട്ടുകള്. കമല്ഹാസന് തന്നെയാണ് 'വിക്രം' സിനിമയുടെ പ്രധാന നിര്മ്മാതാവ്. രാജ്കമല് ഫിലിംസ് ഇന്റര്നാഷണലിന്റെ ബാനറിലാണ് 'വിക്രമി'ന്റെ നിര്മാണം.
നൂറ്റിപത്ത് ദിവസങ്ങളെടുത്താണ് വിക്രം' ഷൂട്ട് പൂര്ത്തിയാക്കിയത് എന്ന് ലോകേഷ് കനകരാജ് അറിയിച്ചിരുന്നു. ലോകേഷ് കനകരാജ് തന്നെയാണ് ചിത്രത്തിന്റെ തിരക്കഥ എഴുതിയതും. എഡിറ്റിംഗ് ഫിലോമിന് രാജ്. സംഘട്ടന സംവിധാനം അന്പറിവ്. നൃത്തസംവിധാനം ദിനേശ്. പിആര്ഒ ഡയമണ്ട് ബാബു. ശബ്ദം സങ്കലനം കണ്ണന് ഗണ്പത് ആണ്.
Read More : വിഷ്ണു ഉണ്ണികൃഷ്ണന്റെ 'കുറി', പ്രൊമൊ ഗാനം ശ്രദ്ധ നേടുന്നു
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ