Swatantra Veer Savarkar : സവര്ക്കറിന്റെ ജീവിതം സിനിമയാകുന്നു, 'സ്വതന്ത്ര വീര സവര്ക്കറി'ല് രണ്ദീപ് ഹൂഡ
Synopsis
രണ്ദീപ് ഹൂഡയാണ് ചിത്രത്തില് സവര്ക്കറായി അഭിനയിക്കുക (Swatantra Veer Savarkar).
വി ഡി സവര്ക്കറിന്റെ ജീവിത കഥ സിനിമയാകുന്നു. 'സ്വതന്ത്ര വീര സവര്ക്കര്' എന്ന പേരിലുള്ള ചിത്രത്തില് രണ്ദീപ് ഹൂഡയാണ് നായകൻ. ഏറെ തെറ്റിദ്ധരിക്കപ്പെട്ട വ്യക്തിയാണ് സവര്ക്കറെന്നും അദ്ദേഹമായി അഭിനയിക്കാനാകുന്നതില് സന്തോഷമുണ്ടെന്നും രണ്ദീപ് ഹൂഡ പറയുന്നു. മഹേഷ് വി മഞ്ജരേക്കറാണ് ചിത്രം സംവിധാനം ചെയ്യുന്നത് (Swatantra Veer Savarkar).
ലണ്ടൻ, മഹാരാഷ്ട്ര, ആൻഡമാൻ എന്നിവിടങ്ങളിലെ വിവിധ ലൊക്കേഷനുകളിൽ ചിത്രീകരിക്കും. ഇന്ത്യയുടെ സ്വാതന്ത്ര്യ പ്രസ്ഥാനത്തെ മറ്റൊരു തലത്തില് ഉയർത്തിക്കാട്ടുന്നതായിരിക്കും 'സ്വതന്ത്ര വീര സവര്ക്കര്' എന്ന് ചിത്രത്തിന്റെ പ്രവര്ത്തകര് പറയുന്നു. 'സ്വതന്ത്ര വീര സവര്ക്കര്' ജൂണിലോടെയാകും ഷൂട്ട് തുടങ്ങുക. അവഗണിച്ച ചില കാര്യങ്ങള് പറയാൻ ഇതാണ് ശരിയായ സമയമെന്ന് മഹേഷ് വി മഞ്ജരേക്കര് പറയുന്നു.
മുക്ക് സ്വാതന്ത്ര്യം ലഭിക്കുന്നതിൽ പങ്ക് വഹിച്ച നിരവധി നായകന്മാരുണ്ട് എന്ന് ചിത്രം സ്വീകരിച്ചതിനെ കുറിച്ച് രണ്ദീപ് ഹൂഡ പറയുന്നു. എന്നിരുന്നാലും, എല്ലാവർക്കും അവരുടെ പങ്കിന്റെ പ്രാധാന്യം ലഭിച്ചിട്ടില്ല. ഏറ്റവും തെറ്റിദ്ധരിക്കപ്പെട്ടതും ചർച്ച ചെയ്യപ്പെടുന്നതും സ്വാധീനിച്ചതുമായ വിനായക് ദാമോദർ സവർക്കറുടെ ജീവിത കഥ പറയേണ്ടതുണ്ട്. തന്നെ ആ കഥാപാത്രം ചെയ്യാൻ തെരഞ്ഞെടുത്തതില് സന്തോഷമുണ്ടെന്നും രണ്ദീപ് ഹൂഡ പറയുന്നു.
ആനന്ദ് പണ്ഡിറ്റ്, സന്ദീപ് സിംഗ് എന്നിവരാണ് ചിത്രം നിര്മിക്കുന്നത്. ആനന്ദ് പണ്ഡിറ്റ് മോഷൻ പിക്ചഴ്സ്, ലെജന്റ് സ്റ്റുഡിയോസ് എന്നീ ബാനറിലാണ് നിര്മാണം. രൂപ പണ്ഡിറ്റും ജയ പാണ്ഡ്യയുമാണ് സഹ നിര്മാതാക്കള്. സ്വതന്ത്ര വീര സവര്ക്കര് എന്ന സിനിമയിലെ മറ്റ് കഥാപാത്രങ്ങള് ആരൊക്കെയാകും അഭിനയിക്കുക എന്ന് അറിവായിട്ടില്ല.
Read More : ദിലീപിനെയും ആന്റണി പെരുമ്പാവൂരിനെയും പുറത്താക്കാനൊരുങ്ങി ഫിയോക്ക്; നിര്ണായക നീക്കം
സംസ്ഥാനത്തെ തിയറ്റർ ഉടമകളുടെ സംഘടനയായ ഫിയോക്കിൽ ഭരണഘടന മാറ്റത്തിന് ഒരുങ്ങി ഭരണസമിതി. നടന് ദിലീപിനെയും (Dileep) നിര്മാതാവ് ആന്റണി പെരുമ്പാവൂരിനെയും (Antony Perumbavoor) പുറത്താക്കാനാണ് ഫിയോക്കിന്റെ നിര്ണായക നീക്കം. ചെയർമാൻ വൈസ് ചെയർമാൻ സ്ഥാനത്തേക്ക് തെരഞ്ഞെടുപ്പ് വേണ്ടെന്ന വ്യവസ്ഥ എടുത്ത് മാറ്റാനാണ് ഭരണ സമിതി ഒരുങ്ങുന്നത്. നിലവിൽ ദിലീപ്, ആന്റണി പെരുമ്പാവൂർ എന്നിവരാണ് ഈ തസ്തികകളിൽ ഉള്ളത്.
മറ്റ് സംഘടനകളിൽ അംഗങ്ങളായവർ തെരഞ്ഞെടുപ്പിൽ മത്സരിക്കരുതെന്ന ചട്ടം ഏർപ്പെടുത്താനും നീക്കമുണ്ട്. ഇതും ദിലീപിനെയും ആന്റണി പെരുമ്പാവൂരിനും തിരിച്ചടിയാകും. ഇക്കാര്യത്തിൽ അന്തിമ തീരുമാനം ഈ മാസം 31 ന് ചേരുന്ന ഫിയോക് വാർഷിക ജനറൽ ബോഡി യോഗത്തിൽ എടുക്കും. 2017 ൽ സംഘടന രൂപീകരണത്തിന് മുൻകൈ എടുത്തവരെന്ന നിലയിലാണ് ദിലീപിനെ ആന്റണി പെരുമ്പാവൂരിനെയും ആജീവനാന്ത ഭാരവാഹികളാക്കിയിരുന്നത്.
സംസ്ഥാനത്തെ തിയറ്റർ ഉടമകളുടെ സംഘടനയായ ഫിയോക്കിൽ അടുത്തിടെ ഉണ്ടായ ഭിന്നത വ്യക്തമാക്കുന്നതാണ് നിലവിലെ നീക്കങ്ങൾ. 2017ല് ഫിലിം എക്സിബിറ്റേഴ്സ് ഫെഡറേഷന് പിളര്ന്നാണ് തിയറ്ററുടമകളുടെ ഇന്നത്തെ സംഘടനയായ ഫിയോക് രൂപികരിക്കുന്നത്. അന്ന് സംഘടന രൂപീകരണത്തിന് മുൻകൈ എടുത്തവരെന്ന നിലയിലാണ് ദിലീപിനെ ആന്റണി പെരുമ്പാവൂരിനെയും ആജീവനാന്ത ഭാരവാഹികളാക്കിയിരുന്നത്.
ഈ രണ്ട് സ്ഥാനങ്ങളിലേക്കും തിരഞ്ഞെടുപ്പ് പാടില്ലെന്നും ഫിയോക്കിന്റെ ഭരണഘടനയില് എഴുതിച്ചേര്ത്തിരുന്നു. ഈ ചട്ടം പൊളിച്ചെഴുതാനാണ് ഫിയോക് പ്രസിഡന്റ് വിജയകുമാറിന്റെ നേതൃത്വത്തില് നീക്കം നടക്കുന്നത്.
മോഹന്ലാല് ചിത്രമായ 'മരക്കാറി'ന്റെ റിലീസിങുമായി ബന്ധപ്പെട്ട് ആന്റണി പെരുമ്പാവൂരും ഫിയോക്കുമായുണ്ടായ അഭിപ്രായഭിന്നതയുടെ തുടര്ച്ചയാണ് നിലവിലെ നീക്കത്തിലെത്തി നില്ക്കുന്നത്. നേരത്തെ ചെയര്മാനായ ദിലിപ് മുഖേന സംഘടനയ്ക്ക് ആന്റണി പെരുമ്പാവൂര് രാജി നല്കിയിരുന്നെങ്കിലും അതേകുറിച്ച് അറിവില്ലെന്നാണ് ഫിയോക് പ്രസിഡന്റ് വിജയകുമാര് മാധ്യമങ്ങളെ അറിയിച്ചത്. എന്നാൽ, പുതിയ ഭാരവാഹിക്കള് വരുക എന്നത് സ്വാഗതാര്ഹമായ കാര്യമാണെന്ന് ആന്റണി പെരുമ്പാവൂര് പ്രതികരിച്ചു.