ഇനി രാഷ്ട്രീയക്കാരനായി രവി മോഹൻ, ചിത്രത്തിന്റെ അപ്ഡേറ്റ് പുറത്ത്
Synopsis
രവി മോഹൻ നായകനായി വരാനിരിക്കുന്ന ചിത്രത്തിന്റെ അപ്ഡേറ്റ് പുറത്ത്.
രവി മോഹൻ നായകനായി വരാനിരിക്കുന്ന ചിത്രമാണ് കരാട്ടെ ബാബു. ഒരു പൊളിറ്റിക്കില് ത്രില്ലറായിരിക്കും ചിത്രം എന്നാണ് സൂചനകള്. രവി മോഹൻ രാഷ്ട്രീയക്കാരൻ ആയിട്ടായിരിക്കും ചിത്രത്തില് വേഷമിടുക. ഗണേഷ് ബാബുവിന്റെ സംവിധാനത്തില് വരാനിരിക്കുന്ന ചിത്രത്തില് ശക്തി വാസുദേവൻ കെ എസ് രവി കുമാര്, വിടിവി ഗണേഷ് സുബ്രഹ്മണ്യം ശിവ, കവിതാലയാ കൃഷ്ണൻ, പ്രദീപ് ആന്റണി, രാജ റാണി പാണ്ഡ്യൻ, സന്ദീപ് രാജ്, സിന്ധുപ്രിയ, അജിത്ത് ഘോഷഅ, അരവിന്ദ്, കല്ക്കി രാജ, ശ്രീ ധന്യ, സാം ആൻഡേഴ്സണ് എന്നിവരും കഥാപാത്രങ്ങളായി ഉണ്ട്
നടൻ ജയം രവി അടുത്തിടെയാണ് തന്റെ പേര് രവി മോഹനെന്നാക്കിയത്. രവി മോഹൻ നായകനായി ഒടുവില് വന്നത് കാതലിക്കാ നേരമില്ലൈയാണ്. രവി മോഹന്റെ കാതലിക്കാ നേരമില്ലൈയുടെ കളക്ഷനും പ്രതീക്ഷ നല്കുന്നില്ല. ആകെ നേടിയത് വെറും 9.67 കോടി മാത്രമാണ്.
രവി മോഹൻ നായകനായി വന്ന ചിതമായി മുമ്പെത്തിയ ബ്രദറും പരാജമായി മാറിയിരുന്നു. രവി മോഹൻ പ്രതീക്ഷയോടെ കാത്തിരുന്ന ചിത്രമായിരുന്നു ബ്രദര്. ബ്രദറിന്റെ പ്രധാന പ്രമേയം സഹോദരി- സഹോദര ബന്ധമാണെന്ന് രവി മോഹൻ വെളിപ്പെടുത്തിയിരുന്നു. സഹോദരിയായി ഭൂമികയാണ് ബ്രദറില് ഉണ്ടായിരുന്നുത്. സഹോദരിയായ റോജയോടുള്ള ബന്ധമാണ് ചിത്രത്തില് തനിക്ക് ഭൂമികയോട് അനുഭവപ്പെട്ടത്. തന്റെ കാഴ്ചപ്പാടില് ഒരു മാറ്റം വരുത്തുന്ന സഹോദരിയാണ് ഭൂമികയുടേത്. നിയമ വിദ്യാര്ഥിയായിട്ടാണ് ബ്രദറില് നായകനായ താൻ വേഷമിടുന്നത് എന്നും രവി മോഹൻ പറയുകയും ചെയ്തിരുന്നു. ചിത്രം വലിയ ഒരു വിജയമായില്ല.
സംവിധായകൻ എം രാജേഷ് കോമഡി സിനിമകള്ക്ക് പേരെടുത്തയാളാണെന്ന് രവി മോഹൻ ചൂണ്ടിക്കാട്ടിയിരുന്നു. കുടുംബ ബന്ധങ്ങള്ക്കും പ്രധാന്യം നല്കുന്ന ചിത്രങ്ങളാണ് രാജേഷിന്റേതെന്നും ജയം രവി വ്യക്തമാക്കിയിരുന്നുന്നു. ബ്രദറിലും അങ്ങനെയാണ്. തന്റെ ആരാധകര് കാത്തിരിക്കുന്ന തരത്തിലുള്ള കഥാപാത്രമായിരിക്കും ബ്രദറിലേത് എന്നും കുറച്ച് കാലമായി ഇത്തരമൊരു സിനിമ ചെയ്തിട്ടെന്നും മനോഹരമായ ഡാൻസ് രംഗങ്ങളും തനിക്ക് ഉണ്ടെന്നും രവി മോഹൻ വ്യക്തമാക്കിയിരുന്നു. എന്നാല് അതൊന്നും ചിത്രത്തിനെ രക്ഷിച്ചില്ല. പ്രിയങ്ക മോഹൻ നായികയായി വന്ന ചിത്രം പരാജയപ്പെടുകയായിരുന്നു. രവി മോഹൻ നായകനായി വന്ന ചിത്രത്തില് ശരണ്യ പൊൻവണ്ണൻ, വിടിവി ഗണേഷ്, നാട്ടി സീത, അച്യുത്, റാവു രമേഷ് എന്നിവരും പ്രധാന കഥാപാത്രങ്ങളെ അവതരിപ്പിച്ചപ്പോള് ഛായാഗ്രാഹണം വിവേകാനന്ദ് സന്തോഷും സംഗീതം ഹാരിസ് ജയരാജും ആണ്.
Read More: മൗത്ത് പബ്ലിസിറ്റി ഗുണമായി, പൊൻമാന്റെ കളക്ഷനില് കുതിപ്പ്, നേടിയത്
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ