പോരടിച്ച് ബേസിലും സജിനും; കളക്ഷനിൽ മമ്മൂട്ടിയും വീണു; ഒടുവിൽ പൊൻമാൻ ഒടിടിയിലേക്ക്, എന്ന്, എവിടെ ?
Synopsis
മലയാളത്തിനൊപ്പം മറ്റ് പ്രധാന ഭാഷകളിലും പൊൻമാൻ പ്രേക്ഷകർക്ക് കാണാനാകും.
ഒരുപിടി മികച്ച സിനിമകൾ മലയാളത്തിന് തന്നു കൊണ്ടാണ് പുതിയ വർഷം ആരംഭിച്ചത്. അതിലൊരു പ്രധാന സിനിമയാണ് പൊൻമാൻ. യഥാർത്ഥ സംഭവത്തിൽ നിന്നും ഉരിത്തിരിഞ്ഞ സിനിമയിൽ ബേസിൽ ജോസഫും സജിൻ ഗോപുവും ആയിരുന്നു പ്രധാന കഥാപാത്രങ്ങളെ അവതരിപ്പിച്ചത്. റിലീസ് ചെയ്ത് ആദ്യ ഷോ മുതൽ തന്നെ പോസിറ്റീവ് റിവ്യു നേടാൻ പൊൻമാന് സാധിച്ചിരുന്നു.
പ്രേക്ഷക- നിരൂപക പ്രശംസയ്ക്ക് ഒപ്പം തമിഴകത്ത് നിന്നുവരെ പ്രശംസ ഏറ്റുവാങ്ങിയ പൊൻമാന്റെ ഒടിടി റിലീസ് സംബന്ധിച്ച വിവരമാണ് ഇപ്പോൾ പുറത്തുവരുന്നത്. ചിത്രം മാർച്ച് 14ന് ഒടിടിയിൽ സ്ട്രീമിംഗ് ചെയ്യുമെന്നാണ് ഒടിടി പ്ലേ റിപ്പോർട്ട് ചെയ്യുന്നത്. ജിയോ ഹോർട് സ്റ്റാറിനാണ് സ്ട്രീമിംഗ് അവകാശം വിറ്റു പോയിരിക്കുന്നത്. തിയറ്റർ റിലീസ് ചെയ്ത് ഒരു മാസം പിന്നിടുമ്പോഴാണ് പൊൻമാൻ ഒടിടിയിൽ എത്തുന്നത്. മലയാളത്തിനൊപ്പം മറ്റ് പ്രധാന ഭാഷകളിലും പൊൻമാൻ പ്രേക്ഷകർക്ക് കാണാനാകും.
ഒരു ഫാമിലി ത്രില്ലർ മൂഡിലെത്തിയ പൊൻമാൻ, ഇന്ദുഗോപന്റെ നാലഞ്ചു ചെറുപ്പക്കാർ എന്ന കഥയെ ആസ്പദമാക്കിയാണ് ഒരുക്കിയത്. ജി ആർ ഇന്ദുഗോപൻ, ജസ്റ്റിൻ മാത്യു എന്നിവർ ചേർന്നാണ് ചിത്രത്തിന്റെ തിരക്കഥ രചിച്ചത്. ബേസിൽ ജോസഫിനും സജിൻ ഗോപിവിനും ഒപ്പം ലിജോമോൾ ജോസ്, ആനന്ദ് മന്മഥൻ എന്നിവരാണ് പ്രധാന കഥാപാത്രങ്ങളായെത്തിയത്.
75000 മുതൽ 600 കോടി വരെ; ഏറ്റവും ചെലവേറിയ ഇന്ത്യൻ സിനിമകൾ, കാലങ്ങളായി ബജറ്റുകൾ കുതിച്ചുയർന്നതിങ്ങനെ
അതേസമയം, സൗത്ത് ഇന്ത്യൻ ബോക്സ് ഓഫീസിന്റെ റിപ്പോർട്ട് പ്രകാരം 10.45ലധികം കളക്ഷനാണ് കേരളത്തിൽ നിന്നുമാത്രം പൊൻമാൻ നേടിയത്. കൂടാതെ ഈ വർഷം മികച്ച കേരള കളക്ഷൻ നേടിയ സിനിമകളുടെ ലിസ്റ്റിൽ മൂന്നാമതാണ് പൊൻമാൻ. മമ്മൂട്ടി ചിത്രം ഡൊമനിക് ആന്റ് ദി ലേഡീസ് പേഴ്സിനെ പിന്നിലാക്കിയാണ് ബേസിൽ ജോസഫ് ചിത്രം ഈ നേട്ടം കൊയ്തത്.
ഏഷ്യാനെറ്റ് ന്യൂസ് വാർത്തകൾ തത്സമയം അറിയാം..