പ്രാണി കടിച്ച റിമയുടെ പ്രോസ്തറ്റിക് മേക്കപ്പ് വീഡിയോ; വൈറൽ

'തിയേറ്റർ ദ് മിത്ത് ഓഫ് റിയാലിറ്റി' സിനിമയ്ക്ക് വേണ്ടി റിമ കല്ലിങ്കലിന്റെ പ്രോസ്തറ്റിക് മേക്കപ്പ് വീഡിയോ പങ്കുവെച്ച് മേക്കപ്പ് ആർട്ടിസ്റ്റ് സേതു ശിവാനന്ദൻ. നിരവധി പേരാണ് പ്രശംസകളുമായി വീഡിയോക്ക് താഴെ കമന്റ് ചെയ്യുന്നത്. 

റിമ കല്ലിങ്കൽ നായികയായി എത്തിയ 'തിയേറ്റർ ദ് മിത്ത് ഓഫ് റിയാലിറ്റി' മികച്ച പ്രേക്ഷക- നിരൂപ പ്രശംസകൾ നേടി മുന്നേറുകയാണ്. ഈ ചിത്രത്തിലെ പ്രകടനത്തിന് റിമയ്ക്ക് ഈ വർഷത്തെ മികച്ച നടിക്കുള്ള ഫിലിം ക്രിട്ടിക്സ് പുരസ്കാരം ലഭിച്ചിരുന്നു.

സിനിമയിലെ ഏറ്റവും പ്രധാനപെട്ട രംഗങ്ങളിൽ ഒന്നായിരുന്നു റിമയുടെ കഥാപാത്രത്തിന് ഒരു പ്രാണിയുടെ കുത്തേൽക്കുന്നതും തുടർന്ന് ശരീരത്തിൽ സംഭവിക്കുന്ന മാറ്റങ്ങളും. ഇപ്പോഴിതാ അതുമായി ബന്ധപ്പെട്ടുള്ള പ്രോസ്തെറ്റിക് മേക്കപ്പ് വീഡിയോ പുറത്തുവിട്ടിരിക്കുകയാണ് ചിത്രത്തിന്റെ മേക്കപ്പ് ആർട്ടിസ്റ്റായ സേതു ശിവാനന്ദൻ. ഓരോ ദിവസവും 4 മണിക്കൂർ നീണ്ടു നിന്ന മേക്കപ്പ് ആണ് റിമ ചെയ്തതെന്നാണ് സേതു പറയുന്നത്. നിരവധി പേരാണ് പ്രശംസകളുടെ വീഡിയോക്ക് താഴെ എത്തുന്നത്.

റിമയുടെ മികച്ച പ്രകടനം

റിമ കല്ലിങ്കൽ കേന്ദ്ര കഥാപാത്രത്തെ അവതരിപ്പിക്കുന്ന ചിത്രം ആഗോള ചലച്ചിത്രമേള സർക്യൂട്ടുകളിൽ ഇതിനോടകം തന്നെ ചിത്രം ശ്രദ്ധനേടിക്കഴിഞ്ഞു. കാൻ ചലച്ചിത്രമേളയിൽ വച്ച് ചിത്രത്തിന്റെ ട്രെയിലർ ഔദ്യോഗികമായി പുറത്തിറക്കിയിരുന്നു. കൂടാതെ, റഷ്യയിലെ കസാൻ ചലച്ചിത്രമേളയിലും ചിത്രം പ്രദർശനത്തിന് ഒരുങ്ങുകയാണ്. 'ബിരിയാണി' എന്ന ചിത്രത്തിന് ശേഷം സജിൻ ബാബുവിന്റെ തനതും ശക്തവുമായ സിനിമാശൈലി ഈ ചിത്രത്തിലും കാണാൻ സാധിക്കും. അഞ്ജന ടാക്കീസിന്റെ ബാനറിൽ അഞ്ജന ഫിലിപ്പ്, ഫിലിപ്പ് സക്കറിയ എന്നിവർ നിർമിച്ച ചിത്രത്തിന്റെ സഹനിർമാണം നിർവഹിച്ചിരിക്കുന്നത് സന്തോഷ് കോട്ടായി ആണ്.

ഛായാഗ്രഹണം- ശ്യാമപ്രകാശ് എം എസ്, എഡിറ്റിംഗ്: അപ്പു ഭട്ടതിരി, സംഗീതം- സയീദ് അബ്ബാസ്, എക്സിക്യൂട്ടീവ് പ്രൊഡ്യൂസർ- അജിത് വിദ്യാസാഗർ, ലൈൻ പ്രൊഡ്യൂസർ- സുബാഷ് എസ് ഉണ്ണി, കലാസംവിധാനം- സജി ജോസഫ്, പ്രൊഡക്ഷൻ കൺട്രോളർ- സംഗീത് ചിക്കു, വസ്ത്രലങ്കാരം- ഗായത്രി കിഷോർ, മേക്കപ്പ്- സേതു ശിവദാനന്ദൻ & ആഷ് അഷ്‌റഫ്, സ്ക്രിപ്റ്റ് അസിസ്റ്റന്റ് & ക്രീയേറ്റീവ് കോണ്ട്രിബൂഷൻ- ശൈസ്ഥ ബാനു, കാസ്റ്റിംഗ് ഡയറക്റ്റർ- അരുൺ സോൾ, കളറിസ്റ്റ്- ശ്രീധർ വി, ടൈറ്റിൽ ഡിസൈൻ- ഷിബിൻ കെ കെ, ഓൺലൈൻ പ്രൊമോഷൻസ്- വിപിൻ കുമാർ, വി എഫ് എക്സ്- 3 ഡോർസ്, സംഘട്ടനം- അഷറഫ് ഗുരുക്കൾ, സ്റ്റീൽസ്- ജിതേഷ് കടക്കൽ.