സിനിമയ്ക്കായി വിളിച്ചു, ഫോൺ വെക്കുന്നതിനു മുമ്പ് ഒരു കിടു ചോദ്യവും; സജിത മഠത്തിലിന്‍റെ വെളിപ്പെടുത്തല്‍

തമിഴ്നാട്ടിൽ നിന്ന് ഒരു തമിഴ് സിനിമയുടെ സഹസംവിധായകൻ കാർത്തിക് വിളിക്കുന്നു. ഒരു തമിഴ് പ്രോജക്ടിൽ അഭിനയിക്കാൻ ഉള്ള താൽപര്യം അന്വേഷിക്കുന്നു. ഞാൻ പ്രോജക്ട് വിവരങ്ങൾ ഇ മെയിൽ ചെയ്യാൻ ആവശ്യപ്പെടുന്നു.

കൊച്ചി: സിനിമ രംഗത്ത് അടുത്തകാലത്ത് മുഴങ്ങി കേള്‍ക്കുന്ന മീടു ആരോപണങ്ങള്‍ക്ക് പിന്നാലെ ഫേസ്ബുക്കില്‍ വെളിപ്പെടുത്തലുമായി നടി സജിത മഠത്തില്‍. തമിഴ്നാട്ടില്‍ നിന്നും വന്ന ഒരു സിനിമ ഓഫറില്‍ സംഭവിച്ച മോശം അനുഭവമാണ് സജിത ഫേസ്ബുക്കില്‍ കുറിക്കുന്നത്. 

ആ വാക്കുകള്‍ ഇങ്ങനെ, 

തമിഴ്നാട്ടിൽ നിന്ന് ഒരു തമിഴ് സിനിമയുടെ സഹസംവിധായകൻ കാർത്തിക് വിളിക്കുന്നു. ഒരു തമിഴ് പ്രോജക്ടിൽ അഭിനയിക്കാൻ ഉള്ള താൽപര്യം അന്വേഷിക്കുന്നു. ഞാൻ പ്രോജക്ട് വിവരങ്ങൾ ഇ മെയിൽ ചെയ്യാൻ ആവശ്യപ്പെടുന്നു.

ഫോൺ വെക്കുന്നതിനു മുമ്പ് ഒരു കിടു ചോദ്യം.

അഡ്ജസ്റ്റ്മന്റുകൾക്കും കോബ്രമൈസിനും തയ്യാറല്ലെ?

ചേട്ടന്റെ നമ്പർ താഴെ കൊടുക്കുന്നു.
+91 97914 33384

തയ്യാറുള്ള എല്ലാവരും ചേട്ടനെ വിളിക്കുക.

പിന്നല്ല !

പോസ്റ്റിന് അടിയില്‍ വലിയ പിന്തുണയാണ് നടിക്ക് ലഭിക്കുന്നത്. ഈ നമ്പറില്‍ വിളിച്ച് നോക്കിയ പലരും നമ്പര്‍ സ്വിച്ച് ഓഫ് ആണെന്നാണ് പോസ്റ്റിനടിയില്‍ പറയുന്നത്. അതേ സമയം ഇത് നല്ല രീതിയാണ് ഇനിയും പരീക്ഷിക്കാം എന്നാണ് ചിലര്‍ അഭിപ്രായപ്പെട്ടത്.