വാടക ഗർഭധാരണത്തിന്റെ കഥയുമായി 'യശോദ'; സാമന്ത ചിത്രത്തിന്റെ ട്രെയിലർ എത്തി
Synopsis
സാമന്തയുടെ കിടിലന് ആക്ഷന് സീക്വന്സുകളും കൂടെ ഉണ്ണി മുകുന്ദനും സാമന്തയും തമ്മിലുള്ള റൊമാന്റിക് സീനുകളും ട്രെയ്ലറിലുണ്ട്
തെന്നിന്ത്യന് സൂപ്പര് താരം സമാന്തയുടെ ഏറ്റവും പുതിയ ചിത്രമായ 'യശോദ 'യുടെ ട്രെയ്ലര് പുറത്തുവിട്ടു. തെലുങ്കില് വിജയ് ദേവരകൊണ്ട, തമിഴില് സൂര്യ, കന്നഡയില് രക്ഷിത് ഷെട്ടി, മലയാളത്തില് ദുല്ഖര് സല്മാന്, ഹിന്ദിയില് വരുണ് ധവാന് എന്നിവര് ചേര്ന്നാണ് ട്രെയ്ലര് പുറത്തിറക്കിയത്.
വാടക അമ്മയായ യശോദയായിട്ടാണ് സാമന്ത ചിത്രത്തില് എത്തുന്നത്. സാമന്തയുടെ കിടിലന് ആക്ഷന് സീക്വന്സുകളും കൂടെ ഉണ്ണി മുകുന്ദനും സാമന്തയും തമ്മിലുള്ള റൊമാന്റിക് സീനുകളും ട്രെയ്ലറിലുണ്ട്. തെലുങ്ക്, തമിഴ്, കന്നഡ, മലയാളം, ഹിന്ദി ഭാഷകളിലായി നവംബര് 11ന് ചിത്രം റിലീസ് ചെയ്യും.
ശ്രീദേവി മൂവീസ് പ്രൊഡക്ഷന്സിന്റെ ബാനറില് ശിവലെങ്ക കൃഷ്ണ പ്രസാദ് നിര്മ്മിച്ച ചിത്രം, ഹരിയും ഹരീഷും ചേര്ന്നാണ് ഈ ചിത്രം സംവിധാനം ചെയ്യുന്നത്. ചിത്രം ഒരു ന്യൂജെന് ആക്ഷന് ത്രില്ലറാണെന്നും പ്രേക്ഷകരെ ആകര്ഷിക്കുന്ന ഘടകങ്ങളോട് കൂടിയ നിഗൂഢതയും വികാരങ്ങളും സമതുലിതമാക്കിയിരിക്കുന്നതാണെന്നും ചിത്രത്തിനെ കുറിച്ച് നിര്മ്മാതാവ് ശിവലേങ്ക കൃഷ്ണ പ്രസാദ് പറഞ്ഞിരുന്നു.
വരലക്ഷ്മി ശരത്കുമാര്, റാവു രമേഷ്, മുരളി ശര്മ്മ, സമ്പത്ത് രാജ്, ശത്രു, മധുരിമ, കല്പിക ഗണേഷ്, ദിവ്യ ശ്രീപാദ, പ്രിയങ്ക ശര്മ്മ തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. പുളഗം ചിന്നരായ, ഡോ. ചള്ള ഭാഗ്യലക്ഷ്മി എന്നിവരുടേതാണ് സംഭാഷണം. മണിശര്മ്മ സംഗീതസംവിധാനവും എം. സുകുമാര് ഛായാഗ്രഹണവും നിര്വഹിക്കുന്നു. വരികള്: ചന്ദ്രബോസ്, രാമജോഗയ്യ ശാസ്ത്രി. ക്രിയേറ്റീവ് ഡയറക്ടര്: ഹേമാംബര് ജാസ്തി. കല: അശോക്. സംഘട്ടനം: വെങ്കട്ട്, യാനിക് ബെന്, എഡിറ്റര്: മാര്ത്താണ്ഡം. കെ വെങ്കിടേഷ്. ലൈന് പ്രൊഡ്യൂസര്: വിദ്യ ശിവലെങ്ക. സഹനിര്മ്മാതാവ്: ചിന്ത ഗോപാലകൃഷ്ണ റെഡ്ഡി. എക്സിക്യൂട്ടീവ് പ്രൊഡ്യൂസര്: രവികുമാര് ജിപി, രാജ സെന്തില്. പി ആര് ഒ : ആതിര ദില്ജിത്ത്.
ലോക്കല് സൂപ്പര് ഹീറോ ആയി ദിലീപ്; 'പറക്കും പപ്പൻ' ഉടന്