ആരാധകരുടെ ചോദ്യങ്ങള്‍ക്ക് ഉത്തരം പറഞ്ഞ് സാനിയ ഇയ്യപ്പൻ.
മലയാളത്തിലെ യുവ നടിമാരില്‍ ഏറ്റവും ശ്രദ്ധേയയാണ് സാനിയ ഇയ്യപ്പൻ. സിനിമകളില്‍ മാത്രമല്ല ഫാഷൻ ലോകത്തും സാനിയ ഇയ്യപ്പൻ മുൻനിരയിലാണ്. സാനിയ ഇയ്യപ്പന്റെ ഫോട്ടോകള്‍ ഓണ്‍ലൈനില്‍ തരംഗമാകാറുണ്ട്. ഇപോള്‍ ഇൻസ്റ്റാഗ്രാമിലെ ചോദ്യങ്ങള്‍ക്കുള്ള സാനിയ ഇയ്യപ്പന്റെ മറുപടിയാണ് ആരാധകര്‍ക്കിടയിലെ ചര്‍ച്ച.
ചോദ്യങ്ങള്‍ ചോദിക്കാൻ സാനിയ ഇയ്യപ്പൻ തന്നെ ആവശ്യപ്പെടുകയായിരുന്നു. ഇനി പോകാൻ ഇഷ്‍ടമുള്ള സ്ഥലം എതെന്ന ചോദ്യത്തിന് ആംസ്റ്റാര്‍ഡാം എന്നായിരുന്നു സാനിയ ഇയ്യപ്പന്റെ ഉത്തരം. സാമൂഹ്യമാധ്യമങ്ങളില്‍ പോസ്റ്റ് ചെയ്യാൻ ഇതുവരെ തീരുമാനിക്കാത്ത ചിത്രം ഏത് എന്ന ചോദ്യത്തിന് ആ ഫോട്ടോയും സാനിയ ഇയ്യപ്പൻ പങ്കുവെച്ചു. ഇതിനു മുമ്പും ആരാധകരുടെ കമന്റുകള്‍ക്ക് സാനിയ ഇയ്യപ്പൻ മറുപടി നല്‍കിയിട്ടുണ്ട്.
ബാല്യകാലസഖിയാണ് സാനിയ ഇയ്യപ്പൻ ആദ്യമായി അഭിനയിച്ച ചിത്രം.
റോഷൻ ആൻഡ്യൂസിന്റെ ദുല്‍ഖര്‍ ചിത്രമായ സല്യുട്ടിലാണ് സാനിയ ഇയ്യപ്പൻ ഏറ്റവും ഒടുവില്‍ അഭിനയിച്ചത്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാനിറ്റൈസ് ചെയ്‍തും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്‍ത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona.