മമ്മൂട്ടിചിത്രം മധുര രാജ 200 കോടി ക്ലബില്‍ ഇടം നേടുമെന്നായിരുന്നു പണ്ഡിറ്റിന്‍റെ പ്രവചനം. ചിത്രം 100 കോടി കളക്ഷനും കടന്ന് മുന്നേറുകയാണ്. ഇതോടെയാണ് വിമര്‍ശകര്‍ക്കും പൊങ്കാലയിട്ടവര്‍ക്കും മറുപടിയുമായി പണ്ഡിറ്റ് രംഗത്തെത്തിയത്
തിരുവനന്തപുരം: സിനിമ മേഖലയില്‍ സജീവമായിട്ടുള്ളപ്പോഴും സാമൂഹ്യ മേഖലയില്‍ ഇടപെടലുകള്‍ നടത്തിയും സന്തോഷ് പണ്ഡിറ്റ് ശ്രദ്ധ നേടാറുണ്ട്. അതിനിടയില്‍ പ്രവചനങ്ങള്‍ക്കും പ്രോത്സാഹനങ്ങള്‍ക്കും പണ്ഡിറ്റ് സമയം കണ്ടെത്താറുണ്ടെന്നതാണ് മറ്റൊരു കാര്യം. ഫിഫ ലോകകപ്പ് കാലത്ത് എല്ലാ മത്സരങ്ങളുടെയും ഫലം പ്രവചിചിച്ചിട്ടുണ്ട് താരം. ഇപ്പോഴിതാ മറ്റൊരു പ്രവചനം അച്ചെട്ടായതിന്‍റെ സന്തോഷം പങ്കുവച്ചും പ്രവചിച്ച സമയത്ത് വിമര്‍ശിച്ചവര്‍ക്കുള്ള മറുപടിയുമായി സന്തോഷ് പണ്ഡിറ്റ് രംഗത്തെത്തിയിരിക്കുകയാണ്.
മറ്റൊന്നുമല്ല, മമ്മൂട്ടിചിത്രം മധുര രാജ 200 കോടി ക്ലബില്‍ ഇടം നേടുമെന്നായിരുന്നു പണ്ഡിറ്റിന്‍റെ പ്രവചനം. ചിത്രം 100 കോടി കളക്ഷനും കടന്ന് മുന്നേറുകയാണ്. ഇതോടെയാണ് വിമര്‍ശകര്‍ക്കും പൊങ്കാലയിട്ടവര്‍ക്കും മറുപടിയുമായി താരം കളത്തിലെത്തിയത്. ഫേസ്ബുക്കിലൂടെയാണ് സന്തോഷ് പണ്ഡിറ്റ് സന്തോഷം പങ്കുവച്ചത്.
മക്കളേ..
മമ്മൂക്കയുടെ "മധുര രാജ" സിനിമ ഇതു വരെ 100 കോടി രൂപ കളക്ഷ൯ ഉണ്ടാക്കി എന്നു അവരുടെ പരസ്യത്തില് പറയുന്നു.
ഇപ്പോഴും പ്രമുഖ കേന്ദ്രങ്ങളില് വമ്പ൯ കളക്ഷനോടെ ഈ ചിത്രം പ്രദ൪ശനം തുടരുന്നുണ്ടാവാം..
ഓള്‍ ദി ബെസ്റ്റ്
ഈ സിനിമ ഇറങ്ങും മുമ്പേ ഇതൊരൂ 200 കോടി ക്ലബില്‍ പുഷ്പം പോലെ കയറുമെന്ന് ഞാ൯ ചെറിയൊരു അഭിപ്രായം പറഞ്ഞപ്പോള്‍ പലരും എന്നെ പൊങ്കാല ഇട്ടു. ഇപ്പോ എങ്ങനുണ്ട് ?