ഇലവീഴാ പൂഞ്ചിറക്ക് ശേഷം ഷാഹി കബീർ ചിത്രം; ഫെസ്റ്റിവൽ സിനിമാസിന്റെ ആദ്യ ചിത്രത്തിന് പാക്കപ്പ്

ഷാഹി കബീർ സംവിധാനം ചെയ്യുന്ന ഫെസ്റ്റിവൽ സിനിമാസിന്റെ ആദ്യ സംരംഭത്തിൽ ദിലീഷ് പോത്തനും റോഷൻ മാത്യുവുമാണ് പ്രധാന വേഷങ്ങൾ കൈകാര്യം ചെയ്യുന്നത്. രണ്ട് പോലീസ് ഉദ്യോ​ഗസ്ഥരുടെ ജീവിതകഥ പറയുന്ന ഈ ചിത്രം കണ്ണൂർ ഇരിട്ടിയിലാണ് ചിത്രീകരിച്ചത്.

കണ്ണൂര്‍: ഫെസ്റ്റിവൽ സിനിമാസിന്‍റെ ബാനറിൽ  ഷാഹി കബീർ രചനയും സംവിധാനവും നിർവഹിക്കുന്ന ചിത്രത്തിന്റെ ഷൂട്ടിം​ഗ് പൂർത്തിയായി. കണ്ണൂർ ഇരിട്ടിയിൽ ചിത്രീകരിച്ച ഈ സിനിമയിൽ ദിലീഷ് പോത്തൻ, റോഷൻ മാത്യു എന്നിവരാണ് പ്രധാന വേഷങ്ങൾ അവതരിപ്പിക്കുന്നത്. ഇതുവരെ പേരിടാത്ത ഫെസ്റ്റിവൽ സിനിമാസിന്റെ ഈ ആദ്യ സംരംഭം നിർമ്മിക്കുന്നത് സംവിധായകനായ രതീഷ് അമ്പാട്ട്, രഞ്ജിത്ത് ഇ.വി.എം, ജോജോ ജോസ് എന്നിവർ ചേർന്നാണ്. 

രണ്ട് പോലീസ് ഉദ്യോ​ഗസ്ഥരുടെ ജീവത്തിലൂടെ കഥപറഞ്ഞു പോകുന്ന ഈ ചിത്രം എൺപത് ശതമാനത്തോളവും രാത്രിയിലാണ് ഷൂട്ട് ചെയ്തത്.  പല ദിവസങ്ങളിലും കാലാവസ്ഥ പ്രതീകൂലമായെങ്കിലും വിചാരിച്ച സമയത്തിനുള്ളിൽ ചിത്രീകരണം പൂർത്തിയാക്കാൻ അണിയറ പ്രവർത്തകർക്ക് കഴിഞ്ഞു. 

ഇലവീഴാ പൂഞ്ചിറക്ക് ശേഷം ഷാഹി കബീർ ഒരുക്കുന്ന ഈ സിനിമക്ക് ക്യാമറ ചലിപ്പിക്കുന്നത് മനേഷ് മാധവൻ ആണ്. സുധി കോപ്പ, അരുൺ ചെറുകാവിൽ, ലക്ഷ്മി മേനോൻ, ക്രിഷാ കുറുപ്പ്, നന്ദനുണ്ണി എന്നിവരാണ്  ചിത്രത്തിെല മറ്റ് പ്രധാന കഥാപാത്രങ്ങെള അവതരിപ്പിക്കുന്നത്.

അനിൽ ജോൺസൺ ചിത്രത്തിന്റെ സംഗീത സംവിധാനം നിർവഹിക്കുന്നു. ഗാനരചന വിനായക് ശശികുമാർ. പ്രൊഡക്ഷൻ കൺട്രോളർ- ദീലീപ്നാഥ്, എ‍ഡിറ്റർ- പ്രവീൺ മംഗലത്ത്, സൗണ്ട്മിക്സിം​ഗ്- സിനോയ്ജോസഫ്, ചിഫ്അസോസിയേറ്റ്- ഷെല്ലി സ്രീസ്, പ്രൊഡക്ഷൻ കൺട്രോളർ- ഷെബീർ മലവട്ടത്ത്, വസ്ത്രാലങ്കാരം- ഡിനോ ഡേവീസ്, വിശാഖ്, മേക്കപ്പ്- റോണക്സ് സേവ്യർ, സ്റ്റിൽസ്- അഭിലാഷ്  മുല്ലശ്ശേരി, പിആർഒ സതീഷ് എരിയാളത്ത്, എ.എസ് ദിനേശ്, പബ്ലിസിറ്റി ഡിസൈൻ- തോട്ട്സ്റ്റേഷൻ