'നെഞ്ചോടു ചേർക്കുന്ന സുഹൃത്ത്', കലാഭവൻ മണിയുടെ ഓര്‍മയുമായി ഷാജി കൈലാസ്

കലാഭവൻ മണിയുടെ ഓര്‍മ പങ്കുവെച്ച് ഷാജി കൈലാസ്.

മലയാളത്തിന്റെ പ്രിയങ്കരനായ നടൻ കലാഭവൻ മണിയുടെ ഓര്‍മദിവസമാണ് ഇന്ന്. ഒരു നൊമ്പരത്തോടെയല്ലാതെ കലാഭവൻ മണിയെ മലയാളികള്‍ക്ക് ഓര്‍ക്കാനാകില്ല. കാരണം പാതിവഴിക്ക് യാത്ര അവസാനിപ്പിച്ചതുപോലെയായിരുന്നു കലാഭവൻ മണിയുടെ മരണം. കലാഭവൻ മണിയെ ഓര്‍ത്ത് ഒട്ടേറെ പേരാണ് രംഗത്ത് എത്തിയത്. താരങ്ങള്‍ കലാഭവൻ മണിയുടെ ഫോട്ടോ ഷെയര്‍ ചെയ്‍തിട്ടുണ്ട്. നെഞ്ചോട് ചേര്‍ക്കുന്ന സുഹൃത്ത് എന്നാണ് ഷാജി കൈലാസ് കലാഭവൻ മണിയെ കുറിച്ച് പറയുന്നത്.

തികഞ്ഞ അഭിനേതാവ്. എന്നും മാതൃകയായ മനുഷ്യ സ്‍നേഹി. നെഞ്ചോടു ചേർക്കുന്ന സുഹൃത്ത്. അവസാന ശ്വാസം വരെ നിന്നെ മനസിൽ സൂക്ഷിക്കാൻ ഒരായിരമോർമകൾ മണിയെന്നും ഷാജി കൈലാസ് പറയുന്നു. കലാഭവൻ മണിയുടെ ഫോട്ടോയും ഷാജി കൈലാസ് ഷെയര്‍ ചെയ്‍തിരിക്കുന്നു. നടക്കാതെ പോയ ഒരു ഷാജി കൈലാസ് ചിത്രത്തില്‍ (സുരേഷ് ഗോപി നായകനായ) നിന്നുള്ളതാണ് ഒരു ഫോട്ടോ.

മികച്ച നടനുള്ള ദേശീയ- ചലച്ചിത്ര അവാര്‍ഡ് ജൂറികളുടെ പ്രത്യേക പരാമര്‍ശം നേടിയിട്ടുണ്ട് കലാഭവൻ മണി.

നാടൻപാട്ടുകളിലൂടെയും മലയാളികളുടെ പ്രിയം നേടിയ കലാകാരനാണ് കലാഭവൻ മണി.