അദിതി റാവു ഹൈദരി നെഗറ്റീവ് ഷെയ്‍ഡുള്ള കഥാപാത്രമായി അഭിനയിക്കുന്നു.
മലയാളത്തില്‍ സൂഫിയും സുജാതയും എന്ന ചിത്രത്തിലൂടെ ശ്രദ്ധേയയായ താരമാണ് അദിതി റാവു ഹൈദരി. മിക്ക ഭാഷകളിലും ശ്രദ്ധേയമായ കഥാപാത്രങ്ങള്‍ അദിതി ചെയ്‍തിട്ടുണ്ട്. അദിതി റാവു ഹൈദരിയുടെ ഫോട്ടോകള്‍ ഓണ്‍ലൈനില്‍ തരംഗമാകാറുണ്ട്. ഇപ്പോഴിതാ അദിതി റാവു നെഗറ്റീവ് ഷെയ്‍ഡുള്ള കഥാപാത്രമായി അഭിനയിക്കുന്നുവെന്ന് ടോളിവുഡ് ഡോട് കോം വാര്‍ത്തയില്‍ പറയുന്നു. അദിതി റാവു ഹൈദരിയുടെ കഥാപാത്രത്തിന്റെ കൂടുതല്‍ വിവരങ്ങള്‍ വന്നിട്ടില്ല. മഹാസമുദ്രം എന്ന സിനിമയിലാണ് അദിതി റാവു ഹൈദരി നെഗറ്റീവ് ഷെയ്‍ഡുള്ള കഥാപാത്രമായി എത്തുക.
ശര്‍വാനന്ദ് ആണ് മഹാസമുദ്രത്തില്‍ നായകൻ. അജയ് ഭൂപതിയാണ് ചിത്രം സംവിധാനംം ചെയ്യുന്നത്. അധോലോക നായകൻ ആയിട്ടാണ് ശര്‍വാനന്ദ് ചിത്രത്തില്‍ അഭിനയിക്കുക. സിനിമയിലേക്ക് ആദ്യം സാമന്തയെയാണ് പരിഗണിച്ചത് എങ്കിലും ഒടുവില്‍ അദിതി റാവു ഹൈദരിയിലേക്ക് എത്തുകയായിരുന്നു. സിനിമയുടെ പ്രമേയം കൂടുതലായി വ്യക്തമാക്കിയിട്ടില്ല. സിനിമയുടെ ചിത്രീകരണം ഉടൻ തുടങ്ങും.
ഹിന്ദിയിലും ശ്രദ്ധേയമായ താരമാണ് അദിതി റാവു ഹൈദരി.
മഹാ സമുദ്രം എന്ന് കേള്‍ക്കുമ്പോള്‍ മലയാളിക്ക് ഓര്‍മ വരുക മോഹൻലാല്‍ ചിത്രമാണെങ്കിലും തെലുങ്കിലേത് റീമേക്കല്ല.