'മോശം പടമെന്ന് ബോധപൂർവം ചിലർ, എത്ര ഡീഗ്രേഡ് ചെയ്താലും സിനിമ പ്രേമികൾക്ക് വാലിബൻ ഇഷ്ടപ്പെടും'

പ്രതീക്ഷയ്ക്ക് അനുസരിച്ച് വന്നില്ലായെന്ന് പറയാം പക്ഷെ മോശം പടമാണെന്ന് ബോധപൂർവം ചിലർ പറഞ്ഞുവെന്ന് ഷിബു ബേബി ജോൺ.

എത്ര ഡീഗ്രേഡ് ചെയ്യാൻ ശ്രമിച്ചാലും യഥാർത്ഥ സിനിമ പ്രേമികൾക്ക് മലൈക്കോട്ടൈ വാലിബൻ ഇഷ്ടപ്പെടുമെന്ന് 
ചിത്രത്തിന്റെ നിർമാതാവ് കൂടിയായ ഷിബു ബേബി ജോൺ. പ്രതീക്ഷയ്ക്ക് അനുസരിച്ച് വന്നില്ലായെന്ന് പറയാം പക്ഷെ മോശം പടമാണെന്ന് ബോധപൂർവം ചിലർ പറഞ്ഞുവെന്ന് അദ്ദേഹം പറയുന്നു. ഏഷ്യാനെറ്റ് ന്യൂസിനോട് ആയിരുന്നു ഷിബു ബേബി ജോണിന്റെ പ്രതികരണം. 

'നല്ലൊരു പ്രോഡക്ട് ആണ് ഈ സിനിമ. ഇന്ത്യയിലെ തന്നെ നമ്പർ വൺ റിവ്യൂവർ വാലിബനെ കുറിച്ച് നല്ലത് പറഞ്ഞു. ഇന്നലെ അനുരാ​ഗ് കശ്യപ് സംസാരിച്ചു. സിനിമാ പ്രേക്ഷകർ എന്നുള്ള നല്ലൊരു വിഭാ​ഗം ഭയങ്കരമായി പ്രശംസിച്ച ഒരു സിനിമയെ കുറിച്ചാണ് കൊള്ളില്ല എന്ന പ്രയോ​ഗം വന്നത്. പ്രതീക്ഷയ്ക്ക് അനുസരിച്ച് വന്നില്ലായെന്ന് പറയാം. പക്ഷെ 
അത് മോശം പടമാണെന്ന് ചിലർ ബോധപൂർവം പറഞ്ഞു. ആദ്യത്തെ ദിവസത്തിന്റെ സെക്കന്റ് ഷോ മുതൽ അഭിപ്രായങ്ങൾ മാറി. എത്ര ഡീഗ്രേഡ് ചെയ്യാൻ ശ്രമിച്ചാലും യഥാർത്ഥ സിനിമ പ്രേമികൾക്ക് മലൈക്കോട്ടൈ വാലിബൻ ഇഷ്ടപ്പെടും. ഇഷ്ടമാവുന്നു എന്നതിൽ സന്തോഷവുമുണ്ട്', എന്നാണ് ഷിബു ബേബി ജോൺ പറഞ്ഞത്.