'അനുമോൾ കല്യാണം കഴിക്കാൻ പോകുന്ന പയ്യനെ എനിക്കറിയാം, വിവാഹം ഉടനുണ്ടാകും'; വെളിപ്പെടുത്തി ഷിയാസ് കരീം

അനുമോളുടെ വിവാഹം ഉടൻ ഉണ്ടാകുമെന്ന് പറയുകയാണ് ഷിയാസ് കരീം.

നടി അനുമോളുടെ കല്യാണം ഉടൻ ഉണ്ടാകുമെന്ന് ഉറ്റസുഹൃത്തും നടനും ബിഗ് ബോസ്സ് മുൻ മൽസരാർത്ഥിയുമായ ഷിയാസ് കരീം. അനുമോളുടെ കല്യാണം ഉടനെ ഉണ്ടാകുമെന്ന് കേൾക്കുന്നുണ്ടല്ലോ എന്ന ഓൺലൈൻ മാധ്യമങ്ങളുടെ ചോദ്യത്തിന് മറുപടി പറയുകയായിരുന്നു താരം. എന്നാല്‍, ഈ വിഷയത്തിൽ അനുമോൾ ഇതുവരെ പരസ്യമായി പ്രതികരിച്ചിട്ടില്ല.

''കല്യാണം ഉടനെ ഉണ്ടാകും. സോഷ്യൽ മീഡിയയിലൂടെ എല്ലാവരും കേൾക്കുന്നതല്ലേ. എവിടെയാ വരൻ, ആരാണ് എന്നൊക്കെ അനുമോൾ പറയും. അനുമോൾ കല്യാണം കഴിക്കാൻ പോകുന്ന പയ്യനെ എനിക്കറിയാം. ഞാൻ അതിനെക്കുറിച്ച് സംസാരിക്കേണ്ട ആവശ്യം ഇല്ലല്ലോ. അത് അവരെ സംബന്ധിച്ചിടത്തോളം വളരെ വലിയ കാര്യമാണ്. അവർ എങ്ങനെ പരിചയപ്പെട്ടു, ചെക്കൻ ആരാണ്? പേരെന്താണ് തുടങ്ങിയ കാര്യങ്ങളൊക്കെ കല്യാണത്തിന്റെ സമയത്ത് റിവീൽ ചെയ്യുന്നതാണ് നല്ലത്. അയാൾ കാണാൻ വളരെ ഭംഗിയുള്ളൊരു മനുഷ്യനാണ്. നടനല്ല, ബിസിനസുമല്ല. നിങ്ങൾക്ക് കാണുമ്പോൾ മനസിലാകും. ജോലി ചെയ്യുന്ന ഒരു മനുഷ്യനാണ്'', എന്നായിരുന്നു ഷിയാസിന്റെ പ്രതികരണം.

സഹോദരതുല്യമായ സ്നേഹവും സൗഹൃദവും പരസ്പരം സൂക്ഷിക്കുന്നവരാണ് അനുമോളും ഷിയാസ് കരീമും. അനുമോൾ ബിഗ്ബോസിൽ ആയിരുന്നപ്പോളും പിന്തുണയുമായി ഷിയാസ് പുറത്തുണ്ടായിരുന്നു. സ്റ്റാർ മാജിക് ഷോയിലൂടെ തനിക്കു കിട്ടിയ അനിയത്തിക്കുട്ടി എന്നാണ് അനുവിനെ ഷിയാസ് എപ്പോഴും വിശേഷിപ്പിക്കാറുള്ളത്.

ല്ലൊരാളെ കണ്ടെത്തി വിവാഹം കഴിച്ച് കുടുംബമായി ജീവിക്കാൻ തനിക്ക് വലിയ ആഗ്രഹമുണ്ടെന്ന് അടുത്തിടെ അവതാരകയും സുഹൃത്തുമായ ലക്ഷ്മി നക്ഷത്രക്കു നൽകിയ അഭിമുഖത്തിൽ അനുമോൾ പറഞ്ഞിരുന്നു. സുഹൃത്തുക്കൾ വിവാഹം കഴിക്കുന്ന സമയത്ത്, തനിക്ക് എപ്പോഴാണ് ഇതുപോലെ വിവാഹം കഴിക്കാൻ കഴിയുക എന്ന് അനു ചോദിക്കാറുണ്ടെന്ന് ലക്ഷ്മി നക്ഷത്രയും പറഞ്ഞിരുന്നു.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക