ലഹരി വേണ്ടെന്ന് കുട്ടികളോട് പറഞ്ഞ് 'നീർമിഴിപ്പീലികൾ'; ഹ്രസ്വചിത്രം ഏഷ്യ ബുക്ക് ഓഫ് റെക്കോർഡ്സിലേക്ക്

ഒരു കുടുംബത്തിലുള്ള എല്ലാവരും അഭിനയിക്കുന്ന ചിത്രം എന്ന ഖ്യാതി നേടി ഏഷ്യ ബുക്ക് ഓഫ് റെക്കോർഡ്സിലേക്കാണ് ഈ ഹ്രസ്വചിത്രം എത്തിയിരിക്കുന്നത്.  മെഡിമിക്സ് സ്ഥാപകൻ വി പി സിദ്ധന്റെ മക്കളും മരുമക്കളും കുടുംബാം​ഗങ്ങളുമാണ് ഈ ഹ്രസ്വചിത്രത്തിൽ കഥാപാത്രങ്ങളായി എത്തുന്നത്. 

വിദ്യാർത്ഥികൾക്കിടയിലെ ലഹരി ഉപയോ​ഗത്തിനെതിരെ ശക്തമായ പ്രതികരിക്കുന്ന ഹ്രസ്വചിത്രമായി മാറുകയാണ് നീർ‌മിഴിപ്പീലികൾ. ഒരു കുടുംബത്തിലുള്ള എല്ലാവരും അഭിനയിക്കുന്ന ചിത്രം എന്ന ഖ്യാതി നേടി ഏഷ്യ ബുക്ക് ഓഫ് റെക്കോർഡ്സിലേക്കാണ് ഈ ഹ്രസ്വചിത്രം എത്തിയിരിക്കുന്നത്.  

മെഡിമിക്സ് സ്ഥാപകൻ വി പി സിദ്ധന്റെ മക്കളും മരുമക്കളും കുടുംബാം​ഗങ്ങളുമാണ് ഈ ഹ്രസ്വചിത്രത്തിൽ കഥാപാത്രങ്ങളായി എത്തുന്നത്. സാമൂഹ്യ പ്രതിബദ്ധതയുള്ള ഒരു വിഷയമാണ് കൈകാര്യം ചെയ്തിരിക്കുന്നത് എന്നത് ഈ ഹ്രസ്വചിത്രത്തെ മറ്റുള്ളവയിൽ നിന്ന് വ്യത്യസ്തമാക്കുന്നത്. മെഡിമിക്സ് അമ്പതാം വാർഷികം ആഘോഷിക്കുന്നതിന്റെ ഭാ​ഗമായിട്ടാണ് ഈ ഹ്രസ്വചിത്രം തയ്യാറാക്കിയിരിക്കുന്നത്. 

ഒന്നരവയസ്സുള്ള കുട്ടി മുതൽ എൺപത് വയസ്സുള്ളവർ വരെ ഈ ചിത്രത്തിൽ കഥാപാത്രങ്ങളായി എത്തുന്നുണ്ട്. 23 കഥാപാത്രങ്ങളാണ് ഇതിൽ അണി നിരക്കുന്നത്. കെ മോഹനൻ സംവിധാനം ചെയ്തിരിക്കുന്ന നീർമിഴിപ്പീലികളുടെ ദൈർഘ്യം മുപ്പത് മിനിറ്റാണ്. അഭിനേതാക്കൾ തന്നെ കഥാപാത്രങ്ങൾക്ക് ശബ്ദം നൽകിയിരിക്കുന്നു എന്നതും ഈ ഹ്രസ്വചിത്രത്തിന്റെ പ്രത്യേകതയാണ്. എവിഎ ​ഗ്രൂപ്പ് ഓഫ് കമ്പനീസ് ആണ് നീർമിഴിപ്പീലികൾ നിർമ്മിച്ചിരിക്കുന്നത്.