Shweta Tiwari : 'ദൈവമാണ് എന്റെ ബ്രായുടെ അളവെടുക്കുന്നത്'; നടിയുടെ പ്രസ്താവന വിവാദത്തില്
Synopsis
വാര്ത്താ സമ്മേളനത്തില് സംസാരിക്കുന്നതിനിടെ മേരേ ബ്രാ കി സൈസ് ഭഗവാന് ലേ രഹേ ഹെ (എന്റെ ബ്രായുടെ അളവെടുക്കുന്നദ് ദൈവമാണ്) എന്ന് ശ്വേത പറയുന്ന വീഡിയോയാണ് വൈറലായത്.
ഭോപ്പാല്: ബോളിവുഡ് നടി ശ്വേത തിവാരി (Shweta Tiwari) വിവാദത്തില്. പുതിയ വെബ് സീരീസ് (Web series) റിലീസിനോടനുബന്ധിച്ച് നടത്തിയ വാര്ത്താസമ്മേളനത്തിലെ പരാമര്ശമാണ് നടിയെ വിവാദത്തിലാക്കിയത്. നടിയുടെ പരാമര്ശം ദൈവനിന്ദയാണെന്ന് നിരവധിപേര് അഭിപ്രായപ്പെട്ടു. കഴിഞ്ഞ ബുധനാഴ്ചയാണ് ഭോപ്പാലില് ശ്വേത തിവാരി വാര്ത്താസമ്മേളനത്തിനിടെ വിവാദ പ്രസ്താവന നടത്തിയത്. രോഹിത് റോയ്, ദിഗംഗാന സൂര്യവന്ഷി, സൗരഭ് രാജ് ജെയിന് എന്നിവരാണ് സീരീസിലെ മറ്റ് അഭിനേതാക്കള്. ഫാഷന് പശ്ചാത്തലമായിട്ടാണ് വെബ് സീരീസ് ഒരുങ്ങുന്നത്. വാര്ത്താ സമ്മേളനത്തില് സംസാരിക്കുന്നതിനിടെ മേരേ ബ്രാ കി സൈസ് ഭഗവാന് ലേ രഹേ ഹെ (എന്റെ ബ്രായുടെ അളവെടുക്കുന്നദ് ദൈവമാണ്) എന്ന് ശ്വേത പറയുന്ന വീഡിയോയാണ് വൈറലായത്.
ഇതിനെതിരെ സോഷ്യല് മീഡിയയില് നിരവധി പേര് രംഗത്തെത്തി. മഹാഭാരതം സീരിയലില് കൃഷ്ണനായി അഭിനയിച്ച സൗരഭ് ജെയിനാണ് സീരീസിലെ ബ്രാ ഫിറ്റര് റോളില് അഭിനയിക്കുന്നത്. ഇക്കാര്യം തമാശരൂപേണ സൂചിപ്പിച്ചതാണ് നടി. നടിക്കെതിരെ അന്വേഷണം നടത്തി അറസ്റ്റ് ചെയ്യണമെന്ന് നിരവധി പേര് ആവശ്യപ്പെട്ടു. സംഭവത്തില് അന്വേഷിച്ച് റിപ്പോര്ട്ട് സമര്പ്പിക്കാന് ആഭ്യന്തര മന്ത്രി നരോത്തം മിശ്ര ഭോപ്പാല് എസ്പിക്ക് നിര്ദേശം നല്കി.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ