Spider-Man: No Way Home : 'ബാലൻ ഡി ഓര്' വേദിയില് 'സ്പൈഡര്മാനും'
Synopsis
ഫുട്ബോള് അവാര്ഡ് ചടങ്ങായ ബാലൻ ഡി ഓര് വേദിയില് 'സ്പൈഡര്മാനും'.
ആരാധകര് കാത്തിരിക്കുന്ന ചിത്രങ്ങളിലൊന്നാണ് 'സ്പൈഡര്മാൻ: നോ വേ ഹോം' (Spider-Man: No Way Home). ടോം ഹോളണ്ട് തന്നെയാണ് 'സ്പൈഡര്മാനായി' വേഷമിടുന്നത്. 'സ്പൈഡര്മാൻ നോ വേ ഹോമി'ന്റെ ഫോട്ടോകളൊക്കെ ഓണ്ലൈനില് തരംഗമായിരുന്നു. ഇപോഴിതാ ബാലൻ ഡി ഓര് (ballon d'or) വേദിയില് നിന്നുള്ള ടോം ഹോളണ്ടിന്റെ ഫോട്ടോയാണ് ചര്ച്ചയാകുന്നത്.
ഇന്ന് പുലര്ച്ചെ പാരീസില് നടന്ന ചടങ്ങില് മെസിയാണ് ബാലൻ ഡി ഓര് പുരസ്കാരത്തിന് അര്ഹനായത്. ബാലൻ ഡി ഓര് റെഡ് കാര്പറ്റില് ടോം ഹോളണ്ടും 'സ്പൈഡര്മാൻ: നോ വേ ഹോം' നായിക സെൻഡേയയുമുണ്ടായിരുന്നു. ജോണ് വാട്സ് ആണ് ചിത്രം സംവിധാനം ചെയ്യുന്നത്. ഇംഗ്ലീഷ്, തമിഴ്, ഹിന്ദി, തെലുങ്ക് ഭാഷകളിലാണ് 'സ്പൈഡര്മാൻ: നോ വേ ഹോം' ഇന്ത്യയില് ഡിസംബര് 16ന് റിലീസ് ചെയ്യുക.
മാര്വല് സ്റ്റുഡിയോസും കൊളംബിയ പിക്ചേഴ്സും ചേര്ന്നാണ് ചിത്രം നിര്മിച്ചിരിക്കുന്നത്. സോണി പിക്ചേഴ്സ് റിലീസിംഗാണ് വിതരണം. സൂപ്പര് ഹീറോ കഥാപാത്രമായ സ്പൈഡര്മാൻ ഇനി വെള്ളിത്തിരിയിലെത്തുമോയെന്ന് ആരാധകര്ക്ക് ഒരിടയ്ക്ക് ആശങ്കയുണ്ടായിരുന്നു. സോണിയും മാര്വല് സ്റ്റുഡിയോസും തമ്മില് തെറ്റിപ്പിരിഞ്ഞതിനെ തുടര്ന്നായിരുന്നു സ്പൈഡര്മാന്റെ കാര്യത്തില് ആശങ്ക വന്നത്.
എന്നാല് ഇരു കമ്പനികളും പുതിയ ധാരണയുണ്ടാക്കിയതോടെയാണ് 'സ്പൈഡര്മാൻ' വീണ്ടും വരാൻ വഴിയൊരുങ്ങിയത്. സ്പൈഡര്മാന്റെ കാമുകി കഥാപാത്രമായി 'സ്പൈഡര്മാൻ: നോ വേ ഹോമി'ലും സെൻഡേയ തന്നെ എത്തുന്നു. 'സ്പൈഡര്മാൻ ഫാര് ഫ്രം', 'സ്പൈഡര്മാൻ: ഹോംകമിംഗ്' എന്നിവയാണ് ഇതിനു മുമ്പ് ഇറങ്ങിയ . ടോം ഹോളണ്ട് 'സ്പൈഡര്മാൻ' സിനിമകള്. ടോം ഹോളണ്ട് വീണ്ടും 'സ്പൈഡര്മാനായി' എത്തുമ്പോള് എന്തൊക്കെയാകും വെള്ളിത്തിരയിലെന്ന് കാത്തിരുന്ന് കാണാം.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ