Heaven Movie: മിസിംഗ് കേസിന് പുറകെയുള്ള സുരാജിന്റെ യാത്ര; ത്രില്ലടിപ്പിച്ച് 'ഹെവൻ' ട്രെയിലർ
Synopsis
ഏറെ ആകാംക്ഷ ഉളവാക്കുന്ന തരത്തിലാണ് നവാഗതനായ ഉണ്ണി ഗോവിന്ദ്രാജ് സംവിധാനം ചെയ്യുന്ന ചിത്രത്തിന്റെ ട്രെയിലർ പുറത്തിറക്കിയിരിക്കുന്നത്.
പൊലീസ് വേഷത്തിൽ സുരാജ് വെഞ്ഞാറമൂട്(Suraj Venjaramoodu) എത്തുന്ന 'ഹെവൻ'(Heaven) എന്ന ചിത്രത്തിന്റെ ട്രെയിലർ പുറത്തിറങ്ങി. ഏറെ ആകാംക്ഷ ഉളവാക്കുന്ന തരത്തിലാണ് നവാഗതനായ ഉണ്ണി ഗോവിന്ദ്രാജ് സംവിധാനം ചെയ്യുന്ന ചിത്രത്തിന്റെ ട്രെയിലർ പുറത്തിറക്കിയിരിക്കുന്നത്. ഒരു മിസിംഗ് കേസും തുടർന്ന് നടക്കുന്ന സംഭവ വികാസങ്ങളുമാണ് ചിത്രം പറയുന്നതെന്നാണ് ട്രെയിലറിൽ നിന്നും വ്യക്തമാകുന്നത്. മമ്മൂട്ടിയാണ് ട്രെയിലർ റിലീസ് ചെയ്തത്.
Jana Gana Mana Movie : 'ജന ഗണ മന' നെറ്റ്ഫ്ലിക്സില്; റിലീസ് മലയാളമുള്പ്പെടെ നാല് ഭാഷകളില്
അഭിജ, ജാഫര് ഇടുക്കി, ജോയ് മാത്യു, അലന്സിയര്, സുധീഷ് തുടങ്ങിയവര് ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നുണ്ട്. എ ഡി ശ്രീകുമാര്, രമ ശ്രീകുമാര്, കെ കൃഷ്ണന്, ടി ആര് രഘുരാജ് എന്നിവരാണ് നിര്മ്മാണം. പി എസ് സുബ്രഹ്മണ്യന്, ഉണ്ണി ഗോവിന്ദ്രാജ് എന്നിവരുടേതാണ് രചന. ഛായാഗ്രഹണം വിനോദ് ഇല്ലംപള്ളി, സംഗീതം ഗോപി സുന്ദര്, വരികള് അന്വര് അലി, ഓഡിയോഗ്രഫി എം ആര് രാജാകൃഷ്ണന്, എഡിറ്റിംഗ് ടോബി ജോണ്, മേക്കപ്പ് ജിത്തു പയ്യന്നൂര്, വസ്ത്രാലങ്കാരം സുജിത്ത് മട്ടന്നൂര്, സംഘട്ടനം മാഫിയ ശശി, സൌണ്ട് ഡിസൈന് വിക്കി, കിഷന്, ചീഫ് അസോസിയേറ്റ് ഡയറക്ടര് ബേബി പണിക്കര്, കളറിസ്റ്റ് ശ്രിക് വാര്യര്, പിആര്ഒ ശബരി. ചിത്രം ജൂണ് മാസത്തില് തിയറ്ററുകളില് എത്തും.
പൃഥ്വിരാജ് നായകനായ ജന ഗണ മനയാണ് സുരാജിന്റേതായി ഒടുവിൽ പുറത്തിറങ്ങിയ ചിത്രം. പൃഥ്വിരാജിന്റെ കഥാപാത്രത്തോളം തന്നെ പ്രാധാന്യമുള്ള ഒരു പൊലീസ് വേഷമായിരുന്നു ഇത്. രാജ്യത്തെ സമകാലിക രാഷ്ട്രീയ, സാമൂഹിക സാഹചര്യങ്ങളെ വിമര്ശനാത്മകമായി സമീപിച്ച ചിത്രത്തിന് മികച്ച മൌത്ത് പബ്ലിസിറ്റിയാണ് ആദ്യ വാരം മുതല് ലഭിച്ചത്. ബോക്സ് ഓഫീസിലും മികച്ച പ്രകടനം നടത്താന് സാധിച്ചു. ഏപ്രില് 28ന് തിയറ്ററുകളിലെത്തിയ ചിത്രം 26 ദിവസങ്ങളില് 50 കോടിയാണ് നേടിയത്. അഭിമാനാര്ഹമായ നേട്ടമാണിത്. ക്വീന് എന്ന ചിത്രത്തിലൂടെ 2018ല് സംവിധാന അരങ്ങേറ്റം നടത്തിയ ഡിജോ ജോസ് ആന്റണിയുടെ രണ്ടാം ചിത്രമാണ് ജന ഗണ മന. ഷാരിസ് മുഹമ്മദിന്റേതാണ് ചിത്രത്തിന്റെ രചന. പൃഥ്വിരാജ് പ്രൊഡക്ഷന്സിന്റെ ബാനറില് സുപ്രിയ മേനോനും മാജിക് ഫ്രെയിംസിന്റെ ബാനറില് ലിസ്റ്റിന് സ്റ്റീഫനും ചേര്ന്നാണ് നിര്മ്മിച്ചിരിക്കുന്നത്. തിയറ്ററുകളില് വിജയം നേടിയ ഡ്രൈവിംഗ് ലൈസന്സിനു ശേഷം പൃഥ്വിരാജും സുരാജ് വെഞ്ഞാറമൂടും പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണിത്.