എബ്രിഡ് ഷൈന്റെ ദി കുങ്ഫു മാസ്റ്റർ; പുതിയ ലുക്ക് പുറത്ത്

1983, ആക്ഷന്‍ ഹീറോ ബിജു, പൂമരം എന്നീ ചിത്രങ്ങള്‍ക്ക് ശേഷമെത്തുന്ന എബ്രിഡ് ഷൈന്‍ ചിത്രമാണ് 'ദി കുങ്ഫു മാസ്റ്റര്‍'

എബ്രിഡ് ഷൈന്‍ സംവിധാനം ചെയ്യുന്ന പുതിയ ചിത്രമാണ്  'ദി കുങ്ഫു മാസ്റ്റർ. ആയോധന കലയ്ക്കും ആക്ഷനും പ്രാധാന്യം നല്‍കുന്ന ചിത്രത്തിന്റെ പുതിയ  ലുക്ക് പുറത്തിറങ്ങി.1983, ആക്ഷന്‍ ഹീറോ ബിജു, പൂമരം എന്നീ ചിത്രങ്ങള്‍ക്ക് ശേഷമെത്തുന്ന എബ്രിഡ് ഷൈന്‍ ചിത്രമാണ് 'ദി കുങ്ഫു മാസ്റ്റര്‍'. പൂമര'ത്തില്‍ നായികയായിരുന്ന നീത പിള്ളയാണ് പുതിയ ചിത്രത്തിലും നായിക. പുതുമുഖം ജിജി സ്‌കറിയയാണ് നായകന്‍. സനൂപ് ദിനേശ് മറ്റൊരു പ്രധാന കഥാപാത്രത്തെ അവതരിപ്പിക്കുന്നു. അഞ്ജു ബാലചന്ദ്രന്‍, രാമമൂര്‍ത്തി, രാജന്‍ വര്‍ഗീസ്, വിനോദ് മാത്യു, ഹരീഷ് ബാബു, ജയേഷ് കെ, രഞ്ജിത്ത് പി ബി, ജെയിംസ് ജെ തുടങ്ങിയവരും അഭിനയിക്കുന്നു.ഛായാഗ്രഹണം അര്‍ജുന്‍ രവി. എഡിറ്റിംഗ് കെ ആര്‍ മിഥുന്‍. സംഗീതവും പശ്ചാത്തല സംഗീതവും ഇഷാന്‍ ഷബ്ര. ഫുള്‍ ഓണ്‍ സ്റ്റുഡിയോ ഫ്രെയിംസ് ആണ് നിര്‍മ്മാണം