പ്രണയാതുരനായ 'ലൂക്ക'; ടൊവീനോ ചിത്രത്തിന്റെ ഫസ്റ്റ് ലുക്ക്
Synopsis
ടൊവീനോയുടേതായി വരാനിരിക്കുന്ന സോളോ ഹീറോ ചിത്രങ്ങളില് പ്രധാനപ്പെട്ട ഒന്നാണ് 'ലൂക്ക'.
ടൊവീനോ തോമസ് ടൈറ്റില് റോളിലെത്തുന്ന 'ലൂക്ക'യുടെ ഫസ്റ്റ് ലുക്ക് പോസ്റ്റര് പുറത്തെത്തി. കലാകാരനും സ്ക്രാപ്പ് ആർട്ടിസ്റ്റുമായ ലൂക്ക അഹാന കൃഷ്ണ അവതരിപ്പിക്കുന്ന നായികാ കഥാപാത്രത്തിനൊപ്പം ഇരിയ്ക്കുന്ന ദൃശ്യമാണ് പോസ്റ്ററില്.
'ഒരു കുപ്രസിദ്ധ പയ്യനും' 'എന്റെ ഉമ്മാന്റെ പേരി'നും ശേഷം ടൊവീനോയുടേതായി ഒരു സോളോ ഹീറോ ചിത്രം പുറത്തെത്തിയിട്ടില്ല. എന്നാല് അഭിനയിച്ച മൂന്ന് ചിത്രങ്ങള് പുറത്തെത്തുകയും ചെയ്തു. ധനുഷിന്റെ വില്ലനായി എത്തിയ 'മാരി 2', പൃഥ്വിരാജിന്റെ മോഹന്ലാല് ചിത്രം ലൂസിഫര്, പാര്വ്വതി നായികയായ ഉയരെ എന്നിവയാണ് ടൊവീനോയുടേതായി അവസാനം തീയേറ്ററുകളിലെത്തിയ മൂന്ന് ചിത്രങ്ങള്. ടൊവീനോയുടേതായി വരാനിരിക്കുന്ന സോളോ ഹീറോ ചിത്രങ്ങളില് പ്രധാനപ്പെട്ട ഒന്നാണ് 'ലൂക്ക'.
നവാഗതനായ അരുണ് ബോസ് ആണ് സംവിധാനം. അരുണിനൊപ്പം മൃദുല് ജോര്ജ് കൂടി ചേര്ന്നാണ് തിരക്കഥ ഒരുക്കിയിരിക്കുന്നത്. സൂരജ് എസ് കുറുപ്പാണ് സംഗീതം. ഛായാഗ്രഹണം നിമിഷ് രവി. അൻവർ ഷരീഫ്, നിതിന് ജോര്ജ്, വിനീത കോശി, ജാഫര് ഇടുക്കി, പൗളി വല്സന് എന്നിവര് മറ്റ് കഥാപാത്രങ്ങളെ അവതരിപ്പിക്കും. സെഞ്ചുറി ഫിലിംസ് വിതരണം ചെയ്യുന്ന ചിത്രം അടുത്ത മാസം തീയേറ്ററുകളിലെത്തും.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ