ലൂസിഫറിന്റെ ചിത്രീകരണ വേളയിലാണ് തന്റെ സഹപ്രവർത്തകർക്ക് താരം കൈത്താങ്ങായത്.
കൊടും മഞ്ഞിൽ ഷൂട്ടിങ്ങിനുള്ള ഉപകരണങ്ങൾ എടുത്ത് സെറ്റിലേക്ക് വരുന്ന നടൻ മോഹൻലാലിന്റെ ദൃശ്യങ്ങളാണ് സോഷ്യൽമീഡിയയിൽ വ്യാപകമായി പ്രചരിക്കുന്നത്. ലൂസിഫറിന്റെ ചിത്രീകരണ വേളയിലാണ് തന്റെ സഹപ്രവർത്തകർക്ക് താരം കൈത്താങ്ങായത്. ലൂസിഫറിന്റെ സംവിധായകനും നടനുമായ പൃഥ്വിരാജാണ് ദൃശ്യങ്ങൾ ട്വിറ്ററിലൂടെ പങ്കുവച്ചത്.
'റഷ്യയിൽ 16 ഡിഗ്രി സെഷ്യൽസാണ് താപനില. ഓരോ മണൽചാക്കുകളുടേയും ഭാരം 20 കിലോയ്ക്കും മുകളിലാണ്. അദ്ദേഹത്തിന് ഇരിക്കാൻ ചൂടുള്ള ടെന്റ് ഉണ്ടായിരുന്നു. എന്നാൽ അദ്ദേഹം ഞങ്ങൾക്കൊപ്പം നിൽക്കാൻ താൽപര്യപ്പെടുകയും ഷൂട്ടിങ്ങിനുള്ള ഒരുക്കങ്ങൾക്കായി സഹായിക്കുകയും ചെയ്യുകയായിരുന്നു', പൃഥ്വിരാജ് ട്വീറ്ററിൽ കുറിച്ചു.
-16 degree Celsius in Russia. Each of those sand bags weigh 20 kg plus. He had a heated tent to sit in. But he preferred staying with us and helping with the shoot. pic.twitter.com/D8yVcJAZJk
— Prithviraj Sukumaran (@PrithviOfficial)പൃഥ്വിരാജ് സംവിധായകനായി അരങ്ങേറ്റം കുറിച്ച 'ലൂസിഫര്‍' മാർച്ച് 28-ലാണ് പ്രദർശനത്തിനെത്തിയത്. നടൻ മുരളിഗോപി തിരക്കഥയൊരുക്കിയ ചിത്രം നിറഞ്ഞ സദസ്സിൽ പ്രദർശനം തുടരുകയാണ്. നൂറുകോടി ക്ലബും കടന്ന് കുതിക്കുന്ന ചിത്രത്തിന്റെ രണ്ടാം ഭാഗത്തിനായി കാത്തിരിക്കുകയാണ് ആരാധകരിപ്പോൾ.