Shafeekkinte Santhosham: ഒട്ടകപ്പുറത്തേറി സുൽത്താനായി ഉണ്ണി മുകുന്ദൻ; 'ഷെഫീക്കിന്റെ സന്തോഷം' സെക്കന്റ് ലുക്ക്
Synopsis
മേപ്പടിയാന്റെ വിജയത്തിന് ശേഷം ഉണ്ണി മുകുന്ദൻ നിർമിക്കുന്ന രണ്ടാമത്തെ ചിത്രം കൂടിയാണ് 'ഷെഫീക്കിന്റെ സന്തോഷം'.
നടൻ ഉണ്ണി മുകുന്ദന്റേതായി (Unni Mukundan) അണിയറയിൽ ഒരുങ്ങുന്ന ചിത്രമാണ് 'ഷെഫീക്കിന്റെ സന്തോഷം' (Shafeekkinte Santhosham). തിരക്കഥ എഴുതി സിനിമ സംവിധാനം ചെയ്യുന്നത് നവാഗതനായ അനൂപ് പന്തളമാണ്. പ്രഖ്യാപന സമയം മുതൽ ശ്രദ്ധനേടിയ ചിത്രത്തിന്റെ സെക്കൻഡ് ലുക്ക് മോഷൻ പോസ്റ്റർ പുറത്തുവിട്ടിരിക്കുകയാണ് അണിയറ പ്രവർത്തകർ.
അറബി വേഷം കെട്ടി ഒട്ടകപ്പുറത്തിരിക്കുന്ന ഉണ്ണി മുകുന്ദനെയാണ് പോസ്റ്ററിൽ കാണാനാവുക. പിന്നാലെ നിരവധി പേരാണ് താരത്തിനും ചിത്രത്തിനും ആശംസകളുമായി രംഗത്തെത്തുന്നത്. മേപ്പടിയാന്റെ വിജയത്തിന് ശേഷം ഉണ്ണി മുകുന്ദൻ നിർമിക്കുന്ന രണ്ടാമത്തെ ചിത്രം കൂടിയാണ് 'ഷെഫീക്കിന്റെ സന്തോഷം'. ചിത്രത്തില് അച്ഛനും അഭിനയിക്കുന്ന സന്തോഷം ഉണ്ണി നേരത്തെ പങ്കുവെച്ചിരുന്നു.
Yashoda Movie : 'യശോദ'യായി മനം കവരാൻ സാമന്ത; ഉണ്ണി മുകുന്ദൻ ചിത്രത്തിന് പാക്കപ്പ്
മനോജ് കെ ജയൻ, ദിവ്യാ പിള്ള, ബാല, ആത്മീയ രാജൻ, ഷഹീൻ സിദ്ദിഖ്, മിഥുൻ രമേശ്, സ്മിനു സിജോ, ജോർഡി പൂഞ്ഞാർ എന്നിവരും മറ്റ് മുഖ്യവേഷങ്ങളിലുണ്ട്. ഷാൻ റഹ്മാനാണ് സംഗീത സംവിധാനം. എൽദോ ഐസക് ഛായാഗ്രഹണം. നൗഫൽ അബ്ദുള്ള എഡിറ്റിങ്ങും നിർവഹിക്കുന്നു.
'പാറത്തോട്' എന്ന ചെറിയ ഗ്രാമത്തിലെ ഒരു സാധാരണ കുടുംബത്തില് നിന്നുള്ള പ്രവാസിയായ 'ഷെഫീഖ് 'എന്ന ചെറുപ്പക്കാരന്റെ കഥയാണ് ചിത്രം പറയുന്നത്. മറ്റുള്ളവരെ സഹായിക്കുന്നതില് സന്തോഷം കണ്ടെത്തുന്ന ആളാണ് 'ഷെഫീഖ്'. ഉണ്ണി മുകുന്ദൻ ഫിലിംസിന്റെ ബാനറിലാണ് നിര്മാണം. റിയലിസ്റ്റിക് ഫാമിലി എന്റര്ടെയ്നര് എന്ന വിഭാഗത്തിലായിരിക്കും ചിത്രം എത്തുക. പ്രൊഡക്ഷൻ കണ്ട്രോളര്- വിനോദ് മംഗലത്ത് ആണ്. മേക്കപ്പ്- അരുണ് ആയൂര്. വസ്ത്രാലങ്കാരം- അരുണ് മനോഹര്. സ്റ്റില്സ്- അജി മസ്ക്കറ്റ്, അസോസിയേറ്റ് ഡയറക്ടര്- രാജേഷ് കെ രാജൻ എന്നിവരുമാണ്.
അതേസമയം, 'മിണ്ടിയും പറഞ്ഞും' എന്നൊരു ചിത്രവും ഉണ്ണി മുകുന്ദന്റേതായി അണിയറയില് ഒരുങ്ങുന്നുണ്ട്. അപര്ണ ബാലമുരളിയാണ് നായിക. 'സനല്', 'ലീന' എന്നീ കഥാപാത്രങ്ങളായിട്ടാണ് ഇവര് അഭിനയിക്കുന്നത്. അരുണ് ബോസ് ആണ് സംവിധാനം. മൃദുൽ ജോർജുമായി ചേര്ന്ന് അരുണ് ബോസ് തിരക്കഥ എഴുതിയിരിക്കുന്നു. ജാഫർ ഇടുക്കി, ജൂഡ് ആന്റണി ജോസഫ്, മാല പാർവതി, സഞ്ജു മധു, സോഹൻ സീനുലാൽ, ഗീതി സംഗീത, പ്രശാന്ത് മുരളി, ആതിര സുരേഷ് തുടങ്ങിയവരാണ് മറ്റഭിനേതാക്കൾ. മധു അമ്പാട്ട് ആണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. സൂരജ് എസ് കുറുപ്പാണ് സംഗീത സംവിധാനം നിര്വഹിക്കുന്നത്.
സലിം അഹമ്മദ് ആണ് ചിത്രം നിര്മിക്കുന്നത്. കോപ്രൊഡ്യൂസഴ്സ് കബീർ കൊട്ടാരത്തിൽ, റസാഖ് അഹമ്മദ് എന്നിവരാണ്. പ്രൊഡക്ഷൻ കണ്ട്രോളർ അലക്സ് കുര്യൻ ആണ്. കലാസംവിധാനം അനീസ് നാടോടി. സുജേഷ് ഹരി ചിത്രത്തിന്റെ ഗാനചരചന നിര്വഹിച്ചിരിക്കുന്നു. രാജേഷ് അടൂരാണ് ചീഫ് അസോസിയേറ്റ്. അല സഹര് അഹമ്മദ്, അനന്തു ശിവന് എന്നിവരാണ് സംവിധാന സഹായികള്. ലൊക്കേഷൻ സൗണ്ട്- ബാല ശർമ്മ ആണ്.