Dear Friend release : വിനീത് കുമാറിന്റെ സംവിധാനം, ടൊവിനൊയുടെ 'ഡിയര് ഫ്രണ്ട്' റിലീസ് പ്രഖ്യാപിച്ചു
Synopsis
വിനീത് കുമാര് സംവിധാനം ചെയ്യുന്ന ചിത്രത്തിന്റെ റിലീസ് പ്രഖ്യാപിച്ചു (Dear Friend release).
നടൻ വിനീത് കുമാര് സംവിധാനം ചെയ്യുന്ന പുതിയ സിനിമയാണ് 'ഡിയര് ഫ്രണ്ട്'. ടൊവിനൊ തോമസ് നായകനാകുന്ന ചിത്രത്തിന്റെ റിലീസ് പ്രഖ്യാപിച്ചു. വിനീത് കുമാര് തന്നെയാണ് ചിത്രത്തിന്റെ റിലീസ് അറിയിച്ചത്. ജൂണ് 10നാണ് ചിത്രം റിലീസ് ചെയ്യുക (Dear Friend release).
അഞ്ച് സുഹൃത്തുക്കളുടെ കഥയാണ് ചിത്രം പറയുന്നത്. ടൊവിനൊയ്ക്ക് പുറമേ ബേസില് ജോസഫ്, ദര്ശന രാജേന്ദ്രൻ, അര്ജുൻ ലാല് എന്നിവര് പ്രധാന കഥാപാത്രങ്ങളെ അവതരിപ്പിക്കുന്നു. ജസ്റ്റിൻ വര്ഗീസാണ് സംഗീത സംവിധാനം നിര്വഹിക്കുന്നത്. ഷൈജു ഖാലിദാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്.
ഷൈജു ഖാലിദ്, സമീര് താഹിര്, ആഷിഖ് ഉസ്മാൻ എന്നിവര് ചേര്ന്നാണ് നിര്മാണം. ഹാപ്പി അവേഴ്സ് എന്റര്ടെയ്ൻമെന്റ്സിന്റെയും ആഷിഖ് ഉസ്മാൻ പ്രൊഡക്ഷൻസിന്റെയും ബാനറിലാണ് നിര്മാണം. ഷറഫു, സുഹാസ്, അര്ജുൻലാല് എന്നിവര് ചേര്ന്നാണ് തിരക്കഥ. ദീപു ജോസഫാണ് ചിത്രത്തിന്റെ ചിത്ര സംയോജനം നിര്വഹിക്കുന്നത്.
'അയാള് ഞാനല്ല' എന്ന ചിത്രത്തിലൂടെയാണ് നടൻ വിനീത് കുമാര് ആദ്യമായി സംവിധായകനായത്. ഫഹദ് ആയിരുന്നു വിനീതിന്റെ ആദ്യ സംവിധാന സംരഭത്തില് നായകൻ. ബാലതാരമായി വെള്ളിത്തിരയിലെത്തിയ നടനാണ് വിനീത് കുമാര്. 'ഒരു വടക്കൻ വീരഗാഥ', 'മുദ്ര', 'പഠിപ്പുര', 'അനഘ', 'ദശരഥം', 'ഭരതം',' ഇൻസ്പെക്ടര് ബല്റാം', 'സര്ഗം', 'മിഥുനം', 'തച്ചോളി വര്ഗീസ് ചേകവര്', 'അഴകിയ രാവണൻ' തുടങ്ങിയവയില് ബാല താരമായിരുന്നു. നായകനായും സഹതാരമായുമൊക്കെ വിനീത് കുമാര് അഭിനയിച്ചിട്ടുണ്ട്. 'പ്രണയമണിത്തൂവല്', 'കൊട്ടാരം വൈദ്യൻ', 'കണ്മഷി', 'ദ ടൈഗര്', 'അരുണം', 'വാല്മീകം', 'ഫ്ലാഷ്', 'തിരക്കഥ', 'സെവെൻസ്', 'ഇത് നമ്മുടെ കഥ', 'ചാപ്റ്റേഴ്സ്', 'കാശ്', 'ദ സ്പാര്ക്ക്', 'ഒരു യാത്രയില്', 'കെയര്ഫുള്' തുടങ്ങിയ ചിത്രങ്ങളില് വിനീത് കുമാര് അഭിനയിച്ചിട്ടുണ്ട്. 'കുതിരൈ' എന്ന തമിഴ് ചിത്രത്തിലും വിനീത് കുമാര് അഭിനയിച്ചിട്ടുണ്ട്.
Read More : 'ജോണ് ലൂതറി'ന്റെ റിലീസ് പ്രഖ്യാപിച്ച് ജയസൂര്യ
www.asianetnews.com/entertainment-biggboss/jayasurya-starrer-film-john-luther-to-release-on-27-may-2022-raziyg
ജയസൂര്യ നായകനാകുന്ന പുതിയ ചിത്രമാണ് 'ജോണ് ലൂതര്'. അഭിജിത്ത് ജോസഫാണ് ചിത്രം സംവിധാനം ചെയ്യുന്നത്. അഭിജിത്ത് ജോസഫിന്റേതാണ് ചിത്രത്തിന്റെ തിരക്കഥയും. 'ജോണ് ലൂതര്' ചിത്രത്തിന്റെ റിലീസ് പ്രഖ്യാപിച്ചു.
മെയ് 27ന് ആണ് ചിത്രം റിലീസ് ചെയ്യുക. 'ജോണ് ലൂതര്' ചിത്രം തിയറ്ററുകളില് തന്നെയാണ് എത്തുക. ചിത്രത്തിന്റെ ഛായാഗ്രഹണം റോബി വര്ഗീസ് രാജ് ആണ്. ജയസൂര്യക്ക് പുറമേ ആത്മീയ, ദൃശ്യ രഘുനാഥ്, ദീപക് പറമ്പോല്, സിദ്ദിഖ്, ശിവദാസ് കണ്ണൂര്, ശ്രീലക്ഷ്മി തുടങ്ങിയവര് മറ്റു കഥാപാത്രങ്ങളെ അവതരിപ്പിക്കുന്നു. ചിത്രത്തിന്റെ ഛായാഗ്രഹണം റോബി വര്ഗീസ് രാജ് ആണ്.
അലോന്സ ഫിലിംസിന്റെ ബാനറില് തോമസ് പി മാത്യു നിര്മ്മിക്കുന്നു. സഹനിര്മ്മാണം ക്രിസ്റ്റീന തോമസ്. എഡിറ്റിംഗ് പ്രവീണ് പ്രഭാകര്. പ്രൊഡക്ഷന് കണ്ട്രോളര് പ്രവീണ് ബി മേനോന്.
കലാസംവിധാനം അജയ് മങ്ങാട്, മേക്കപ്പ് ലിബിന് മോഹനന്. ആക്ഷന് ഫീനിക്സ് പ്രഭു. സംഗീതം ഷാന് റഹ്മാൻ. വിഷ്ണു ഗോവിന്ദാണ് ചിത്രത്തിന്റെ സൗണ്ട് കൈകാര്യം ചെയ്യുന്നത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ