'മുകുന്ദൻ ഉണ്ണി അസോസിയേറ്റ്സി'ന് രണ്ടാം ഭാഗമുണ്ടാകുമെന്ന് വിനീത് ശ്രീനിവാസൻ
Synopsis
'മുകുന്ദൻ ഉണ്ണി അസോസിയേറ്റ്സി'ന്റെ രണ്ടാം ഭാഗത്തെ കുറിച്ച് വിനീത് ശ്രീനിവാസൻ.
വിനീത് ശ്രീനിവാസൻ നായകനായി ഏറ്റവും ഒടുവില് പ്രദര്ശനത്തിന് എത്തിയ ചിത്രമാണ് മുകുന്ദൻ ഉണ്ണി അസോസിയേറ്റ്സ്. അഭിനവ് സുന്ദര് നായക് ആണ് ചിത്രം സംവിധാനം ചെയ്തിരിക്കുന്നത്. വിനീത് ശ്രീനിവാസന്റെ വേറിട്ട ഒരു കഥാപാത്രമാണ് ചിത്രത്തിലേത്. ചിത്രത്തിന് രണ്ടാം ഭാഗമുണ്ടാകുമെന്ന് അറിയിച്ചിരിക്കുകയാണ് ഇപ്പോള് വിനീത് ശ്രീനിവാസൻ.
പ്രേക്ഷകര്ക്ക് നന്ദി പറയാൻ ഇൻസ്റ്റാഗ്രാമില് ലൈവായി എത്തിയപ്പോഴാണ് ചിത്രത്തിന്റെ രണ്ടാം ഭാഗത്തെ കുറിച്ച് വിനീത് ശ്രീനിവാസൻ വ്യക്തമാക്കിയത്. രണ്ടാം ഭാത്തിന്റെ ഐഡിയ അഭി എന്നോട് പറഞ്ഞപ്പോള് അതില് ഒരു കൗതുകം തോന്നി. ഞങ്ങള് അത് വര്ക്ക് ചെയ്യുകയാണ്. 'മുകുന്ദൻ ഉണ്ണി അസോസിയേറ്റ്സ്' രണ്ടാം ഭാഗം 2024ലായിരിക്കും എന്നും വിനീത് ശ്രീനിവാസൻ പറയുന്നു.
നവംബര് 11 നാണ് ചിത്രം റിലീസ് ചെയ്തത്. ജോയ് മൂവി പ്രൊഡക്ഷന്സിന്റെ ബാനറില് ഡോക്ടര് അജിത് ജോയ് ആണ് ചിത്രം നിര്മ്മിച്ചിരിക്കുന്നത്. വിമല് ഗോപാലകൃഷ്ണനും സംവിധായകനും ചേര്ന്നാണ് ചിത്രത്തിന്റെ രചന. വിനീത് ശ്രീനിവാസനു പുറമേ സുരാജ് വെഞ്ഞാറമൂട്, സുധി കോപ്പ, തന്വി റാം, ജഗദീഷ്, മണികണ്ഠന് പട്ടാമ്പി, ബിജു സോപാനം, ജോര്ജ് കോര, ആര്ഷ ചാന്ദിനി നോബിള് ബാബു തോമസ്, അല്ത്താഫ് സലിം, റിയ സൈറ, രഞ്ജിത്ത് ബാലകൃഷ്ണന്, സുധീഷ്, വിജയന് കാരന്തൂര് എന്നിവരാണ് പ്രധാനകഥാപാത്രങ്ങളെ അവതരിപ്പിച്ചിരിക്കുന്നത്.
അഭിനവ് സുന്ദര് നായകും നിധിന് രാജ് അരോളും ചേര്ന്നാണ് എഡിറ്റിംഗ്. മനു മഞ്ജിത്ത്, എലിഷ എബ്രഹാം എന്നിവരുടെ വരികള്ക്ക് സിബി മാത്യു അലക്സ് ആണ് സംഗീതം പകര്ന്നിരിക്കുന്നത്. വിപിന് നായരാണ് ചിത്രത്തിന്റെ ചിത്രത്തിന്റെ ശബ്ദമിശ്രണം. എക്സിക്യൂട്ടീവ് പ്രൊഡ്യൂസര്മാര്: പ്രദീപ് മേനോന്, അനൂപ് രാജ് എം, പ്രൊഡക്ഷന് കണ്ട്രോളര്: മനോജ് പൂങ്കുന്നം, സൗണ്ട് ഡിസൈന്: രാജ് കുമാര് പി, ചീഫ് അസോ. ഡയറക്ടര്: രാജേഷ് അടൂര്, അസോ. ഡയറക്ടര് : ആന്റണി തോമസ് മംഗലി, വേഷവിധാനം: ഗായത്രി കിഷോര്, മേക്കപ്പ്: ഹസ്സന് വണ്ടൂര്, കളറിസ്റ്റ്: ശ്രീക് വാരിയര്. സുപ്രീം സുന്ദറും മാഫിയ ശശിയുമാണ് ചിത്രത്തിന്റെ ഫൈറ്റ്. വിനോദ് രവീന്ദ്രനാണ് ചിത്രത്തിന്റെ കലാസംവിധാനം. വിഎഫ്എക്സ് സൂപ്പര്വൈസര് : ബോബി രാജന്, വിഎഫ്എക്സ് ഐറിസ് സ്റ്റുഡിയോ, ആക്സല് മീഡിയ. ലൈന് പ്രൊഡ്യൂസര്മാര്: വിനീത് പുല്ലൂടന്, എല്ദോ ജോണ്, സ്റ്റില്സ്: രോഹിത് കെ സുരേഷ്, വിവി ചാര്ലി, മോഷന് ഡിസൈന്: ജോബിന് ജോസഫ് (പെട്രോവ ഫിലിംസ്), ട്രെയിലര്: അജ്മല് സാബു, ഡിസൈനുകള്: യെല്ലോടൂത്ത്സ്.
Read More: സിനിമയ്ക്കൊപ്പം ജയന്റെ മരണ വാര്ത്ത ചേര്ത്തു, വിശ്വസിക്കാതെ ആരാധകര്
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ