'മുകുന്ദൻ ഉണ്ണി അസോസിയേറ്റ്സ്' തമിഴ് റീമേക്കിന് സാധ്യത
Synopsis
'മുകുന്ദൻ ഉണ്ണി അസോസിയേറ്റ്സ്' മികച്ച വിജയമാണ് നേടിയിരിക്കുന്നത്.
വിനീത് ശ്രീനിവാസൻ നായകനായി ഏറ്റവും ഒടുവില് പ്രദര്ശത്തിന് എത്തിയ ചിത്രമാണ് 'മുകുന്ദൻ ഉണ്ണി അസോസിയേറ്റ്സ്'. അഭിനവ് സുന്ദര് നായക് ആണ് ചിത്രം സംവിധാനം ചെയ്തിരിക്കുന്നത്. വിനീത് ശ്രീനിവാസന്റെ വേറിട്ട ഒരു കഥാപാത്രമാണ് ചിത്രത്തിലേത്. തിയറ്ററില് മികച്ച പ്രതികരണം നേടുന്ന ചിത്രം തമിഴിലേക്കും റീമേക്ക് ചെയ്യാൻ സാധ്യതയെന്ന് റിപ്പോര്ട്ട്
ചിത്രം തമിഴില് റീമേക്ക് ചെയ്യാൻ 'മുകുന്ദൻ ഉണ്ണി അസോസിയേറ്റ്സ്' നിര്മാതാക്കള്ക്ക് ഓഫര് വരുന്നുണ്ടെന്നാണ് റിപ്പോര്ട്ട്. തമിഴ് റീമേക്കിന്റെ കാര്യത്തില് ഔദ്യോഗിക പ്രഖ്യാപനമുണ്ടായിട്ടില്ല. വിശ്വജിത്ത് ഒടുക്കത്തിലാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. പ്രേക്ഷകര്ക്ക് നന്ദി പറയാൻ എത്തിയപ്പോള് ചിത്രത്തിന്റെ രണ്ടാം ഭാഗത്തെ കുറിച്ച് വിനീത് ശ്രീനിവാസൻ അറിയിച്ചിരുന്നു.
'മുകുന്ദൻ ഉണ്ണി അസോസിയേറ്റ്സ്' റിലീസ് ചെയ്തത് നവംബര് 11 നാണ്. ജോയ് മൂവി പ്രൊഡക്ഷന്സിന്റെ ബാനറില് ഡോക്ടര് അജിത് ജോയ് ആണ് ചിത്രം നിര്മ്മിച്ചിരിക്കുന്നത്. വിമല് ഗോപാലകൃഷ്ണനും സംവിധായകനും ചേര്ന്നാണ് ചിത്രത്തിന്റെ രചന. വിനീത് ശ്രീനിവാസനു പുറമേ സുരാജ് വെഞ്ഞാറമൂട്, സുധി കോപ്പ, തന്വി റാം, ജഗദീഷ്, മണികണ്ഠന് പട്ടാമ്പി, ബിജു സോപാനം, ജോര്ജ് കോര, ആര്ഷ ചാന്ദിനി നോബിള് ബാബു തോമസ്, അല്ത്താഫ് സലിം, റിയ സൈറ, രഞ്ജിത്ത് ബാലകൃഷ്ണന്, സുധീഷ്, വിജയന് കാരന്തൂര് എന്നിവരാണ് പ്രധാനകഥാപാത്രങ്ങളെ അവതരിപ്പിച്ചിരിക്കുന്നത്.
അഭിനവ് സുന്ദര് നായകും നിധിന് രാജ് അരോളും ചേര്ന്നാണ് എഡിറ്റിംഗ്. മനു മഞ്ജിത്ത്, എലിഷ എബ്രഹാം എന്നിവരുടെ വരികള്ക്ക് സിബി മാത്യു അലക്സ് ആണ് സംഗീതം പകര്ന്നിരിക്കുന്നത്. വിപിന് നായരാണ് ചിത്രത്തിന്റെ ചിത്രത്തിന്റെ ശബ്ദമിശ്രണം. എക്സിക്യൂട്ടീവ് പ്രൊഡ്യൂസര്മാര്: പ്രദീപ് മേനോന്, അനൂപ് രാജ് എം, പ്രൊഡക്ഷന് കണ്ട്രോളര്: മനോജ് പൂങ്കുന്നം, സൗണ്ട് ഡിസൈന്: രാജ് കുമാര് പി, ചീഫ് അസോ. ഡയറക്ടര്: രാജേഷ് അടൂര്, അസോ. ഡയറക്ടര്: ആന്റണി തോമസ് മംഗലി, വേഷവിധാനം: ഗായത്രി കിഷോര്, മേക്കപ്പ്: ഹസ്സന് വണ്ടൂര്, കളറിസ്റ്റ്: ശ്രീക് വാരിയര്. സുപ്രീം സുന്ദറും മാഫിയ ശശിയുമാണ് ചിത്രത്തിന്റെ ഫൈറ്റ്. വിനോദ് രവീന്ദ്രനാണ് ചിത്രത്തിന്റെ കലാസംവിധാനം. വിഎഫ്എക്സ് സൂപ്പര്വൈസര് : ബോബി രാജന്, വിഎഫ്എക്സ് ഐറിസ് സ്റ്റുഡിയോ, ആക്സല് മീഡിയ. ലൈന് പ്രൊഡ്യൂസര്മാര്: വിനീത് പുല്ലൂടന്, എല്ദോ ജോണ്, സ്റ്റില്സ്: രോഹിത് കെ സുരേഷ്, വിവി ചാര്ലി, മോഷന് ഡിസൈന്: ജോബിന് ജോസഫ് (പെട്രോവ ഫിലിംസ്), ട്രെയിലര്: അജ്മല് സാബു, ഡിസൈനുകള്: യെല്ലോടൂത്ത്സ്.'
Read More: 'കൈതി 2'ന്റെ അപ്ഡേറ്റുമായി നടൻ കാര്ത്തി