ആ അജ്ഞാതൻ ആര്?, കങ്കുവ ട്രെയിലറിലെ നടനെ കണ്ടെത്തി?, അങ്ങനെ ആ താരം ചെയ്യുമോയെന്നും കമന്റുകള്‍

കങ്കുവയുടെ പുതിയ ട്രെയിലറിലെ താരം ആര് എന്ന് കണ്ടെത്തിയോ?.

പ്രേക്ഷകര്‍ കാത്തിരിക്കുന്ന ചിത്രമാണ് കങ്കുവ. നവംബര്‍ 14നാണ് ചിത്രത്തിന്റെ റിലീസ്. കങ്കുവയുടേതായി ആകാംക്ഷയുണര്‍ത്തുന്ന ഒരു പുതിയ ട്രെയിലര്‍ ഇന്നലെ പുറത്തുവിട്ടിരുന്നു. അതില്‍ ഉണ്ടായിരുന്ന ഒരു താരത്തെ കുറിച്ചുള്ള ചര്‍ച്ചകളാണ് നിലവില്‍ വ്യാപകമായി പ്രചരിക്കുന്നത്.

ട്രെയിലര്‍ പുകവലിക്കുന്ന ഒരാളെ കാണാമായിരുന്നു. എന്നാല്‍ അയാളെ ശരിക്കും വ്യക്തമായിരുന്നില്ല. കാര്‍ത്തിയാണ് ആ താരം എന്നാണ് ട്രെയിലര്‍ കണ്ടവര്‍ അഭിപ്രായപ്പെടുന്നത്. സ്‍ക്രീനില്‍ അങ്ങനെ പുകവലിക്കാത്ത ഒരു താരമാണ് കാര്‍ത്തി എന്നും സൂര്യയുടെ കങ്കുവയിലൂടെ ആദ്യമായി മാറുകയാണെന്നുമാണ് അഭിപ്രായങ്ങള്‍.

സംവിധായകൻ സിരുത്തൈ ശിവയുടെ കങ്കുവ സിനിമയിലെ ഗാനം നേരത്തെ പുറത്തുവിട്ടത് ശ്രദ്ധയാകര്‍ഷിച്ചിരുന്നു. കങ്കുവ ഒന്നിനൊപ്പം രണ്ടാം ഭാഗത്തിന്റെയും കഥ പൂര്‍ത്തിയായിട്ടുണ്ട് എന്നും നിര്‍മാതാവ് വ്യക്തമാക്കിയതും ചിത്രത്തിന്റെ ആരാധകരെ ആവേശത്തിലാക്കിയിട്ടുണ്ട്. കങ്കുവ രണ്ടിന്റെ ചിത്രീകരണം എപ്പോഴായിരിക്കുമെന്നും ചിത്രത്തിന്റെ നിര്‍മാതാവ് സൂചിപ്പിച്ചു. കങ്കുവ 2 2026ല്‍ തീര്‍ക്കാനാണ് തങ്ങള്‍ ഉദ്ദേശിക്കുന്നതെന്ന് കെ ഇ ഝാനവേല്‍ പറഞ്ഞതായും റിപ്പോര്‍ട്ടുണ്ട്.

കങ്കുവ മുഴുവനായും താൻ കണ്ടുവെന്ന് പറഞ്ഞ് മദൻ കര്‍ക്കി റിവ്യു എഴുതിയിരുന്നു. ഡബ്ബിംഗ് നടക്കുമ്പോള്‍ തനിക്ക് പല രംഗങ്ങളും കാണാൻ സാധിച്ചിട്ടുണ്ട്. ഓരോ കാഴ്‍ചയിലും സിനിമ വേറിട്ടതാകുകയായിരുന്നു. ദൃശ്യങ്ങളുടെ ഗാംഭീര്യം. കലയുടെ ചാരുത. കഥയുടെ ആഴം. സംഗീതത്തിന്റെ തലങ്ങള്‍. സൂര്യയുടെ പ്രകടനമൊക്കെ ചിത്രത്തില്‍ ചേരുമ്പോള്‍ തിയറ്ററില്‍ മികച്ച അനുഭവമാകുന്നു. മികച്ച ആഖ്യാനത്തിന് സംവിധായകൻ സിവയ്‍ക്ക് താൻ നന്ദി രേഖപ്പെടുത്തുന്നു. കഥാ തന്തു ഇങ്ങനെ വികസിപ്പിച്ച് തങ്ങളുടെ സ്വപ്‍നം യാഥാര്‍ഥ്യമാക്കിയതിന് നന്ദി എന്നും പറയുന്നു മദൻ കര്‍ക്കി. കങ്കുവ മനോഹരമായ ഒരു കലാസൃഷ്‍ടിയാണെന്നും പറയുകയാണ് മദൻ കര്‍ക്കി.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക