ടോക്സിക്: യാഷ് ചിത്രം ചിത്രീകരിക്കുന്നത് ഒരേ സമയം രണ്ട് ഭാഷകളില്‍

ഗീതു മോഹൻദാസ് സംവിധാനം ചെയ്യുന്ന യാഷിന്റെ 'ടോക്സിക്' ഇംഗ്ലീഷിലും കന്നഡയിലുമായി ചിത്രീകരിക്കുന്നു. 

കൊച്ചി: കെജിഎഫിന് ശേഷം യാഷ് നായകനായി എത്തുന്ന ചിത്രമാണ് ടോക്സിക്. "ടോക്സിക്" ഇംഗ്ലീഷിലും ഒരു ഇന്ത്യൻ ഭാഷയിലും ആശയവൽക്കരിക്കുകയും എഴുതുകയും ചിത്രീകരിക്കുകയും ചെയ്യുന്ന ആദ്യത്തെ ബിഗ് ബജറ്റ് ഇന്ത്യൻ ചിത്രമായി മാറുകയാണ്. ഇംഗ്ലീഷിന് പുറമേ കന്നഡയിലാണ് ചിത്രം ചിത്രീകരിക്കുന്നത്,  ആഗോള ചലച്ചിത്രാനുഭവമായി ടോക്സിക് മാറ്റാനാണ് ഇത്തരം ഒരു ശ്രമം. ഹിന്ദി, തെലുങ്ക്, തമിഴ്, മലയാളം എന്നിവയുൾപ്പെടെ വിവിധ ഇന്ത്യൻ, അന്തർദേശീയ ഭാഷകളിൽ ചിത്രം ഡബ്ബ് ചെയ്യും.

ഗീതു മോഹൻദാസ് രചനയും സംവിധാനവും നിർവ്വഹിക്കുന്ന യാഷിന്റെ "ടോക്സിക്" ക്രോസ്-കൾച്ചറൽ കഥപറച്ചില്‍ രീതിയിലാണ് ഒരുങ്ങുന്നത് എന്നാണ് വിവരം. ഇംഗ്ലീഷിലും കന്നഡയിലും ചിത്രീകരിച്ച ഈ ചിത്രം ആഗോളതലത്തിലെ ശ്രദ്ധയാണ് ലക്ഷ്യമിടുന്നത്. ടോക്സിക് കന്നഡയിൽ  ഇന്ത്യൻ പ്രേക്ഷകർക്കുള്ള ആസ്വദന തലം ഒരുക്കുമ്പോള്‍,   ഇംഗ്ലീഷ് ലോകമെമ്പാടുമുള്ള പ്രേക്ഷക ആസ്വദന പ്രാപ്യതത ഉറപ്പാക്കുന്നു. 

"ഇന്ത്യയിലും ലോകമെമ്പാടുമുള്ള പ്രേക്ഷകരുമായി ആധികാരികമായി പ്രതിധ്വനിക്കുന്ന ഒരു ആഖ്യാനം രൂപപ്പെടുത്തുക എന്നതായിരുന്നു 'ടോക്സിക്' എന്നതിനായുള്ള ഞങ്ങളുടെ രീതി" സംവിധായിക ഗീതു മോഹൻദാസ് പറയുന്നു. "കന്നഡയിലും ഇംഗ്ലീഷിലും കഥയുടെ സൂക്ഷ്മതകൾ പകർത്താൻ ഞങ്ങൾ പരിശ്രമിച്ചു, വ്യത്യസ്ത ഭാഷകളില്‍ വ്യത്യസ്ത സാംസ്കാരികവുമായ പശ്ചാത്തലങ്ങളിലുള്ള പ്രേക്ഷകർക്ക് ഒരു ആധികാരിക അനുഭവം ഉറപ്പാക്കുന്നു. 'ടോക്സിക്' കലാപരമായ കാഴ്ചപ്പാടിന്റെയും വാണിജ്യ കഥപറച്ചിലിന്‍റെയും കൂടിച്ചേരലായിരിക്കും. ഈ ചിത്രം അതിർത്തികൾ, ഭാഷകൾ, സാംസ്കാരിക പരിധികൾ എന്നിവ കടന്നുള്ള ഒരു യാത്രയാണിത്" ഗീതു പറഞ്ഞു.

കെവിഎൻ പ്രൊഡക്ഷൻസും യാഷിന്റെ മോൺസ്റ്റർ മൈൻഡ് ക്രിയേഷൻസും ചേർന്ന് വെങ്കട്ട് നാരായണ നിർമ്മിച്ച ടോക്സിക് എന്ന ചിത്രം ഒരു ആഗോള സിനിമാറ്റിക് അനുഭവമായിരിക്കും എന്നാണ് അണിയറക്കാരുടെ അവകാശവാദം. ബോക്സ് ഓഫീസ് പ്രതിഭാസമായ യാഷും സൺഡാൻസ് ഫിലിം ഫെസ്റ്റിവൽ, ടൊറന്റോ ഫിലിം ഫെസ്റ്റിവൽ എന്നിവയുൾപ്പെടെ നിരവധി അന്താരാഷ്ട്ര പ്ലാറ്റ്‌ഫോമുകളിൽ അവാർഡ് ലഭിച്ച ഗീതു മോഹൻദാസും തമ്മിലുള്ള സഹകരണം പ്രേക്ഷകര്‍ ആകാംക്ഷയോടെയാണ്  കാണുന്നത്. 

ജോൺ വിക്ക്, ഫാസ്റ്റ് & ഫ്യൂരിയസ് ഫ്രാഞ്ചൈസികളിലെ പ്രവർത്തനത്തിന് പേരുകേട്ട ജെജെ പെറിയുടെ ആക്ഷൻ സീക്വൻസുകളും, ഡ്യൂൺ 2വിന്‍റെ സ്പെഷ്യൽ വിഷ്വൽ ഇഫക്റ്റുകള്‍ ചെയ്ത ടീമീന്‍റെ സഹകരണവും ചിത്രത്തിന് അന്താരാഷ്ട്ര മാനം നല്‍കുന്നു. 

കഴിഞ്ഞ മാസം യാഷിന്റെ ജന്മദിനത്തിൽ "ടോക്സിക്" ലോകത്തേക്ക് ഒരു നേർക്കാഴ്ച എന്ന പേരില്‍ യാഷിന്‍റെ "ബര്‍ത്ത് ഡേ പീക്ക്" ചിത്രത്തിന്‍റെ അണിയറക്കാര്‍ പുറത്തിറക്കിയിരുന്നു. ടീസർ ആവേശം സൃഷ്ടിച്ചിരുന്നു. ചിത്രം 2024 ഓഗസ്റ്റിൽ ചിത്രീകരണം ആരംഭിച്ചു.  പി ആർ ഓ ആൻഡ് മാർക്കറ്റിംഗ് കൺസൾട്ടന്റ് പ്രതീഷ് ശേഖർ.