ഒരുകാലത്ത് തമിഴ്നാടിനെ വിറപ്പിച്ച ഗുണ്ടാനേതാവ് ഗൗരി ഷങ്കര്‍ എന്ന ഓട്ടോ ഷങ്കറിന്റെ ജീവിതത്തെ ആസ്പദമാക്കി നിര്‍മ്മിച്ചിരിക്കുന്നതാണ് സിരീസ്.
അപ്പാനി രവി ടൈറ്റില്‍ കഥാപാത്രമായെത്തുന്ന തമിഴ് വെബ് സിരീസ് 'ഓട്ടോ ഷങ്കറി'ന്റെ ട്രെയ്ലര് പുറത്തെത്തി. സീ 5 നിര്‍മ്മിക്കുന്ന സിരീസ് 23ന് പ്രീമിയര്‍ ചെയ്യാനിരിക്കെയാണ് ട്രെയ്ലര് പുറത്തെത്തിയിരിക്കുന്നത്.
ഒരുകാലത്ത് തമിഴ്നാടിനെ വിറപ്പിച്ച ഗുണ്ടാനേതാവ് ഗൗരി ഷങ്കര്‍ എന്ന ഓട്ടോ ഷങ്കറിന്റെ ജീവിതത്തെ ആസ്പദമാക്കി നിര്‍മ്മിച്ചിരിക്കുന്നതാണ് സിരീസ്. രംഗ സംവിധാനം ചെയ്യുന്ന സിരീസിന്റെ ഡയറക്ടര്‍ ഓഫ് ഫോട്ടോഗ്രഫി മനോജ് പരമഹംസയാണ്. മണികണ്ഠനും കെ ജി വെങ്കടേഷും ഛായാഗ്രാഹകരാണ്. മനിജിയാണ് രചന. അരോള്‍ കൊറെല്ലി സംഗീത സംവിധാനം. ആക്ഷന്‍ കൊറിയോഗ്രഫി സ്റ്റണ്ണര്‍ സാം. അപ്പാനി രവിയ്ക്ക് തമിഴ്‌നാട്ടില്‍ ശ്രദ്ധ നേടിക്കൊടുത്തേക്കും ഓട്ടോ ഷങ്കര്‍.