ധനുഷ് വൈദ്യുതി മോഷണകുറ്റത്തിന് പിഴയടച്ചു
Synopsis
ചെന്നൈ: തമിഴ് യുവതാരം ധനുഷ് മോഷണകുറ്റത്തിന് പിഴയടച്ചു. സൂപ്പര്താരത്തിന്റെ കാരവനിലേക്ക് വൈദ്യുതി മോഷ്ടിച്ച സംഭവമാണ് വാര്ത്ത ആയിരിക്കുന്നത്. ചെന്നൈയില് ധനുഷും കുടുംബവും വിശ്രമത്തിനായി എത്തിയപ്പോഴാണ് തെരുവ് വിളക്കില് നിന്നുള്ള ലൈനില് നിന്നും അനധികൃതമായി വൈദ്യുതി ഉപയോഗിച്ചതാണ് വിവാദമായത്.
തമിഴ്നാട്ടിലെ തേനി ജില്ലയിലെ ആണ്ടിപ്പെട്ടി മുത്തരംഗാപുരത്താണ് സംഭവം. ഇവിടത്തെ കുടുംബക്ഷേത്രമായ കസ്തൂരി മങ്കമ്മാള് ക്ഷേത്രത്തില് പ്രാര്ഥനക്കെത്തിയതായിരുന്നു നടന് ധനുഷും കുടുംബവും. ഒപ്പം രജനികാന്തിന്റെ മകളും ധനുഷിന്റെ ഭാര്യയുമായ ഐശ്വര്യ, ധനുഷിന്റെ മാതാപിതാക്കള് എന്നിവരും എത്തിയിരുന്നു. ക്ഷേത്രദര്ശനവും ഉച്ചഭക്ഷണത്തിനും ശേഷം ധനുഷും കുടുംബവും കാരവനിലാണ് വിശ്രമിച്ചത്.
ക്ഷേത്രദര്ശനത്തിന് ശേഷം ധനുഷ് കാറില് ചെന്നൈയിലേക്ക് മടങ്ങിയതിന് പിന്നാലെയാണ് വൈദ്യുതി വകുപ്പ് എക്സിക്യൂട്ടിവ് എന്ജിനീയര് രാജേഷും സംഘവും കാരവന് പിടിച്ചെടുക്കുകയായിരുന്നു. വാനിന് സമീപത്തെ വൈദ്യുതി പോസ്റ്റില്നിന്ന് വൈദ്യുതി മോഷ്ടിച്ചതിനുള്ള തെളിവുകള് അധികൃതര് കണ്ടെത്തുകയും ശിക്ഷയായി ഡ്രൈവര് വീരപ്പന്റെ പക്കല്നിന്ന് 15,731 രൂപ അധികൃതര് പിഴയായി ഈടാക്കി.
സിനിമകളിൽ നിന്ന് മലയാളം ഒടിടി റിലീസ് വരെ, Bigg Boss Malayalam Season 7 മുതൽ Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Malayalam Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ