പത്മാവതിക്കെതിരെ പ്രതിഷേധം; ജ​യ്പു​ർ കോ​ട്ട​യി​ൽ മൃ​ത​ദേ​ഹം കണ്ടെത്തി

ജയ്പുര്‍: പ​ത്മാ​വ​തിയോടുളള പ്രതിഷേധത്തില്‍ ഒരു മരണം കൂടി. പ​ത്മാ​വ​തി​ക്കെ​തി​രാ​യ പ്ര​തി​ഷേ​ധ​മെ​ന്ന നി​ല​യി​ൽ ജീ​വ​നൊ​ടു​ക്കു​ക​യാ​ണെ​ന്നു പാ​റ​യി​ൽ എ​ഴു​തി​യ​ശേ​ഷം യു​വാ​വ് ജ​യ്പു​ർ കോ​ട്ട​യി​ൽ ജീ​വ​നൊ​ടു​ക്കി. മ​രി​ച്ച​യാ​ളെ തി​രി​ച്ച​റി​ഞ്ഞി​ട്ടി​ല്ല. 

ജ​യ്പു​ർ കോ​ട്ട​യു​ടെ അ​തി​രി​ലു​ള്ള ന​ഗ​ർ​ഗ​ഡ് കോ​ട്ട​യി​ലാ​ണ് മൃ​ത​ദേ​ഹം ക​ണ്ടെ​ത്തി​യ​ത്. ഇ​വി​ടെ ക​ണ്ടെ​ത്തി​യ ക​ല്ലി​ൽ ഹി​ന്ദി​യി​ൽ എ​ഴു​തി​യ കു​റി​പ്പി​ലാ​ണ് പ​ദ്മാ​വ​തി​യെ മ​ര​ണ​വു​മാ​യി ബ​ന്ധി​പ്പി​ക്കു​ന്ന തെ​ളി​വു​ക​ൾ ക​ണ്ടെ​ത്തി​യ​തെ​ന്ന് വാര്‍ത്ത ഏജന്‍സിയായ എഎന്‍ഐ റിപ്പോര്‍ട്ട് ചെയ്യുന്നു. ഒരു പാറയില്‍ 'പത്മാവതിയെ  എതിര്‍ത്ത്' എന്നും മറ്റൊന്നില്‍ 'പ്രതിമകളെ കത്തിക്കില്ലെന്നും ഞങ്ങളെ കൊല്ലുകയെ ഉളളൂ'വെന്നും എഴുതിയിട്ടുണ്ട്. 

ബ്രഹ്മപുരി പൊലീസ് സ്ഥലത്തെത്തിയിട്ടുണ്ട്. അതേസമയം, ആത്മഹത്യയാണോ കൊലപാതകമാണോയെന്ന് സ്ഥിരീകരിച്ചിട്ടില്ല. ദീ​പി​ക പ​ദു​ക്കോ​ണി​നെ കേ​ന്ദ്ര​ക​ഥാ​പാ​ത്ര​മാ​ക്കി സ​ഞ്ജ​യ് ലീ​ല ബ​ൻ​സാ​ലി ഒ​രു​ക്കി​യ പ​ദ്മാ​വ​തി​ക്കെ​തി​രെ ര​ജ്പു​ത് ക​ർ​ണി സേ​ന വ​ൻ പ്ര​തി​ഷേ​ധ​മാ​ണ് ന​ട​ത്തു​ന്ന​ത്.

ദീ​പി​ക​യു​ടെ ത​ല​വെ​ട്ടു​മെ​ന്നു​വ​രെ പ്ര​തി​ഷേ​ധ​ക്കാ​ർ ഭീ​ഷ​ണി മു​ഴ​ക്കി​യി​രു​ന്നു. പത്മാവതി പ്രദര്‍ശിപ്പിക്കുന്ന തീയറ്ററുകള്‍ കത്തിക്കുമെന്ന് ബി.ജെ.പിയും പറഞ്ഞിരുന്നു. അതേസമയം പത്മാവതിയുടെ റിലീസ് തടയണമെന്നാവശ്യപ്പെട്ട് സമര്‍പ്പിച്ച പൊതുതാത്പര്യ ഹര്‍ജി ദില്ലി ഹൈക്കോടതി തള്ളി.