അന്നും 'ലാലേട്ടൻ' ഫസ്റ്റ്, മമ്മൂട്ടിക്ക് 15 ലക്ഷം; സുരേഷ് ​ഗോപിക്കൊപ്പം കട്ടയ്ക്ക് ബാബു ആന്റണി ! 90കളിലെ പ്രതിഫലം

മലയാള സിനിമാ അഭിനേതാക്കളുടെ പ്രതിഫല കണക്ക് വൈറല്‍. 

ഒരു സിനിമയ്ക്ക് അഭിനേതാക്കൾക്ക് എത്ര രൂപ കിട്ടും ? ഈ ചോദ്യം പലപ്പോഴും സ്വയം ചോദിച്ചിട്ടുള്ളവർ ധാരാളമാണ്. പ്രിയ താരങ്ങളുടെ അടക്കം പ്രതിഫലം എത്ര എന്നറിയാൻ ആകാംക്ഷയും കൗതുകയും ആരാധകർക്ക് ഏറെയാണ്. സമീപകാലത്തായി വലിയ സിനിമകളുടെ അഭിനേതാക്കളുടെ പ്രതിഫല കണക്കുകൾ പുറത്തുവരാറുമുണ്ട്. അമിതമായ പ്രതിഫലവും വലിയ ചർച്ചയായി മാറുകയാണ്. പ്രത്യേകിച്ച് മലയാള സിനിമയിൽ. ഈ അഭിനേതാക്കൾക്ക് ആദ്യകാലങ്ങളിൽ എത്ര രൂപയാകും പ്രതിഫലം ലഭിച്ചിട്ടുണ്ടാകുക?. അതിന് ഉത്തരമാണ് ഇപ്പോൾ സോഷ്യൽ മീഡിയയിൽ വൈറലായി മാറിയിരിക്കുന്നൊരു കണക്ക്.

90കളിൽ മലയാള സിനിമാ താരങ്ങൾ ഒരു സിനിമയ്ക്ക് വാങ്ങിയിരുന്ന പ്രതിഫല കണക്കാണിത്. അന്നത്തെ പ്രമുഖമായ മാ​ഗസീനിൽ വന്ന കണക്കിന്റെ ഫോട്ടോയാണിത്. മലയാള സിനിമയിലെ പ്രമുഖ നിർമാതാക്കളാണ് വിവരങ്ങൾ നൽകിയതെന്നും ഇതിൽ രേഖപ്പെടുത്തിയിട്ടുണ്ട്. നടന്മാരിൽ മോഹൻലാലിന് ആണ് ഏറ്റവും കൂടുതൽ പ്രതിഫലം ലഭിച്ചിരിക്കുന്നത്. 15-20 ലക്ഷം വരെയാണ് ഒരു സിനിമയ്ക്ക് വേണ്ടി നടൻ വാങ്ങിയിരുന്നത്. നടിമാരിൽ ഖുശ്ബുവിനാണ് കൂടുതൽ പ്രതിഫലം. 5 ലക്ഷം രൂപയാണിത്. സിൽക്ക് സ്മിതയുടെ പ്രതിഫലവും ഇക്കൂട്ടത്തിലുണ്ട്. ഒരു ഡാൻസിന് ഒരുലക്ഷം എന്നതാണ് സിൽക്കിന്റെ പ്രതിഫല കണക്ക്.

90കളിലെ മലയാള സിനിമയിലെ പ്രതിഫല കണക്ക് ഇങ്ങനെ

മോഹന്‍ലാല്‍- 15 - 20 ലക്ഷം

മമ്മൂട്ടി- 15 ലക്ഷം

സുരേഷ് ഗോപി- 12 ലക്ഷം

ബാബു ആന്‍റണി- 10-12 ലക്ഷം

ജയറാം- 5-7 ലക്ഷം

ഖുശ്ബു- 5 ലക്ഷം

ശോഭന- രണ്ടര ലക്ഷം

ജഗതി- 2 ലക്ഷം

പ്രിയാ രാമന്‍- 2 ലക്ഷം

തിലകന്‍- ഒന്നര ലക്ഷം

ഉര്‍വശി- ഒന്നര ലക്ഷം

രാജന്‍ പി ദേവ്- ഒന്നര ലക്ഷം

നരേന്ദ്ര പ്രസാദ്- ഒന്നേകാല്‍ ലക്ഷം

കവിയൂര്‍ പൊന്നമ്മ- 1 ലക്ഷം

ജഗദീഷ്- 1 ലക്ഷം

ചിപ്പി - 1 ലക്ഷം

സില്‍ക്ക് സ്മിത- ഒരു ഡാന്‍സിന് 1 ലക്ഷം

ഇന്ദ്രന്‍സ്- 1 ലക്ഷം