ഇനി പുതിയ സൂപ്പര്താരം, മൂന്ന് ദിവസത്തില് 50 കോടി, ഞെട്ടി വമ്പൻമാര്
Synopsis
സര്പ്രൈസ് ഹിറ്റായി യുവതാരത്തിന്റെ ചിത്രം തിയറ്ററില് പണംവാരുന്നു.
തമിഴില് പുതിയ ഒരു സൂപ്പര് താരം ഉണ്ടായിരിക്കുകയാണ്. പ്രദീപ് രംഗനാഥനാണ് തന്റെ പുതിയ സിനിമയുമായി അമ്പരപ്പിക്കുന്നത്. മൂന്ന് ദിവസം കൊണ്ട് 50 കോടി നേടിയിരിക്കുകയാണ് പ്രദീപ് രംഗനാഥന്റെ ഡ്രാഗണ്. തിങ്കഴാഴ്ച മാത്രം ചിത്രം 4.72 കോടിയും നേടിയപ്പോള് അനുപമ പരമേശ്വരനാണ് നായികയായെത്തിയിരിക്കുന്നത്.
ഞായറാഴ്ച ഡ്രാഗണ് നേടിയത് 11 കോടിയിലധികം നേടി. ആഗോളതലത്തില് ഡ്രാഗണ് ആകെ 54 കോടിയാണ് നേടിയിരിക്കുന്നത്. ഡ്രാഗണ് ബ്ലോക്ബസ്റ്ററായിരിക്കുമെന്ന് അഭിപ്രായപ്പെട്ടിരുന്നു തമിഴ് താരം ചിമ്പു. അശ്വത് മാരിമുത്തുവിന്റെ സംവിധാനത്തില് നടൻ പ്രദീപ് രംഗനാഥൻ പ്രധാന വേഷത്തിലുള്ള ഡ്രാഗണ് കണ്ടായിരിക്കും ചിമ്പു അഭിപ്രായം പറഞ്ഞത് എന്നതിനാല് പ്രദീപ് രംഗനാഥന്റെ ഒരു 100 കോടി ചിത്രമായിരിക്കും എന്നാണ് പ്രതീക്ഷ.
ലവ് ടുഡേ എന്ന ഹിറ്റിന് ശേഷം പ്രദീപ് രംഗനാഥൻ നായകനായി എത്തിയതാണ് ഡ്രാഗണ്. പ്രദീപ് രംഗനാഥൻ എഴുതി സംവിധാനം ചെയ്ത് പ്രധാന വേഷത്തില് എത്തിയ ലൗവ് ടുഡേ നിര്മിച്ച എജിഎസ് എന്റര്ടെയ്ൻമെന്റ് തന്നെയാണ് ഡ്രാഗണും നിര്മിച്ചിരിക്കുന്നത്. സംവിധായകൻ ഗൗതം വാസുദേവ് മേനോനൊപ്പം ചിത്രത്തില് മിഷ്കിൻ കെ എസ് രവികുമാര്, കയാദു ലോഹര്, മുരുഗേശൻ, വി ജെ സിന്ധു, ഇന്ദുമതി എന്നിവരും ചിത്രത്തില് വേഷമിടുന്നു. ലിയോണ് ജെയിംസാണ് സംഗീത സംവിധാനം.
തമിഴില് അനുപമ പരമേശ്വരന്റേതായി മുമ്പെത്തിയ ചിത്രം സൈറണാണ്. ജയം രവിയാണ് നായകനായി എത്തിയിരുന്നത്. ജയം രവിയുടെ ജോഡിയായിട്ട് തന്നെയാണ് ചിത്രത്തില് അനുപമ പരമേശ്വരൻ വേഷമിട്ടപ്പോള് മറ്റ് കഥാപാത്രങ്ങളായി കീര്ത്തി സുരേഷ്, സമുദ്രക്കനി, ഉദയ മഹഷ്, സുജാത, ലല്ലു, യുവിന, പാര്ഥവി, പ്രിയദര്ശനിനി രാജ്കുമാര്, അജയ്, ഇന്ദുമതി മണികണ്ഠൻ, ചാന്ദ്നി തമിഴരശൻ, എന്നിവരും ഉണ്ടായിരുന്നു. സംവിധാനം ആന്റണി ഭാഗ്യരാജ് നിര്വഹിക്കുമ്പോള് ചിത്രത്തിന് ജി വി പ്രകാശ് കുമാര് സംഗീതം പകരുകയും സെല്വകുമാര് എസ് കെ ഛായാഗ്രാഹണം നിര്വഹിക്കുകയും ചെയ്തിരിക്കുന്നു.
Read More: തിങ്കളാഴ്ച പരീക്ഷ പാസ്സായോ ചാക്കോച്ചന്റെ ഓഫീസര് ഓണ് ഡ്യൂട്ടി?, ആകെ നേടിയതും
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക