സംവിധായകന് ഒമര് ലുലുവിനെതിരെ കേസ്
Synopsis
ഹൈദരാബാദ്: 'ഒരു അഡാര് ലവ്' എന്ന ചിത്രത്തിലെ പാട്ട് മതവികാരം വ്രണപ്പെടുത്തിയെന്ന പരാതിയില് സംവിധായകന് ഒമര് ലുലുവിനെതിരെ കേസെടുത്തു. ഹൈദരാബാദ് ഫലഖ്നമ പൊലീസ് ആണ് 295 എ വകുപ്പ് അനുസരിച്ച് കേസ് എടുത്തത്. ഫാറൂഖ് നഗറിലെ ഒരു കൂട്ടം ചെറുപ്പക്കാരാണ് പാട്ട് പ്രവാചക നിന്ദയാണെന്നാരോപിച്ചു പരാതി നല്കിയത്.
പാട്ടിലെ വരികള് ഇംഗ്ലീഷിലേക്ക് തര്ജമ ചെയ്തപ്പോള് പ്രവാചകന് മുഹമ്മദ് നബിയെ നിന്ദിക്കുന്ന തരത്തിലാണെന്നും വരികളെ നിന്ദിക്കുന്ന വിധത്തിലായെന്നും പരാതിയില് പറയുന്നു. ഫേസ്ബുക്ക് ലൈവില് വന്ന അദ്നാന് പാട്ടിന്റെ ഇംഗ്ലീഷ് തര്ജമയും പങ്കുവെച്ചിരുന്നു. പാട്ട് ഒരുക്കിയവര്ക്കെതിരെയാണ് പരാതിയെന്നും നായികക്കെതിരല്ലെന്നും യുവാക്കള് കൂട്ടിച്ചേര്ത്തു.
അതേസമയം സാമൂഹമാധ്യമങ്ങളില് പരാതി നല്കിയ യുവാക്കള്ക്കെതിരെ നിരവധിപേരാണ് രംഗത്ത് വന്നത്. പ്രശസ്തി നേടാനുള്ള ശ്രമമാണ് ഇവരുടേതെന്നും പരാതിപ്പെടാന് മാത്രം പാട്ടില് ഒരു വികാരത്തെയും വ്രണപ്പെടുത്തുന്നില്ലെന്നും അവര് പറയുന്നു.
സിനിമകളിൽ നിന്ന് മലയാളം ഒടിടി റിലീസ് വരെ, Bigg Boss Malayalam Season 7 മുതൽ Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Malayalam Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ