അമ്മയെ കൂട്ടുപിടിച്ച് കാളിദാസിന്റെ പ്രണയ സന്ദേശം

പ്രണയ ദിനത്തില്‍ കാളിദാസ് ജയറാമിന്റെ ഇന്‍സ്റ്റഗ്രാം പോസ്റ്റ് കണ്ടാല്‍ ചിരിക്കാതിരിക്കാനാകില്ല. അമ്മ പാര്‍വ്വതി അഭിനയിച്ച അക്കരെ അക്കരെ അക്കരെ എന്ന ചിത്രത്തില്‍ ശ്രീനിവാസനുമൊത്തുള്ള ഒരു രംഗത്തിന്റെ വീഡിയോ ആണ് കാളിദാസന്‍ പോസ്റ്റ് ചെയ്തിരിക്കുന്നത്. ഒപ്പം വാലന്റൈന്‍സ് ഡേ ആശംസകളും നേര്‍ന്നിരിക്കുന്നു യുവ നടന്‍. 

കോണ്‍സ്റ്റബില്‍ വിജയന്‍ പ്രണയിക്കുന്നുവെന്ന് പറയുമ്പോള്‍ സേതുലക്ഷ്മി നല്‍കുന്ന മറുപടിയാണ് രംഗം. സഹോദരനായാണ് കണ്ടിരിക്കുന്നതെന്ന സേതുവിന്റെ വാക്കുകള്‍ക്ക് ശ്രീനിവാസന്‍ നല്‍കുന്ന മാസ്സ് മറുപടിയും വീഡിയോയിലുണ്ട്. പ്രണയിക്കുന്നവര്‍ക്കുള്ള സന്ദേശമായാണ് കാളിദാസിന്റെ പോസ്റ്റ്.