പവര്പാണ്ടി: ധനുഷ് സംവിധാനം ചെയ്യുന്ന ചിത്രം
Synopsis
തമിഴ് താരം ധനുഷ് സംവിധായകനാകുന്നു. പവര്പാണ്ടി എന്നാണ് അദ്ദേഹത്തിന്റെ ആദ്യചിത്രത്തിന് പേരിട്ടിരിക്കുന്നത്. ചിത്രത്തിന്റെ പോസ്റ്റര് ബുധനാഴ്ച പുറത്തു വിട്ടു. മുതിര്ന്നതാരം രാജ് കിരണ് ആണ് കേന്ദ്ര കഥാപാത്രത്തെ അവതരിപ്പിക്കുന്നത്. ധനുഷ് തന്നെയാണ് ട്വിറ്ററിലൂടെ ചിത്രത്തെ പറ്റിയുള്ള വാര്ത്തകള് പങ്കുവച്ചത്. പ്രസന്ന, ഛായാ സിങ്ങ് എന്നിവരും ചിത്രത്തില് പ്രധാന വേഷങ്ങള് കൈകാര്യം ചെയ്യുന്നുണ്ട്.
തമിഴ് സിനിമ ലോകം കൗതുകത്തോടെയാണ് വാര്ത്ത സ്വീകരിച്ചിരിക്കുന്നത്. ഭാര്യ പിതാവും തമിഴ് സൂപ്പര് താരവുമായ രജനികാന്തിനെ നായകനാക്കി പുതിയ ചിത്രത്തിന്റെ വാര്ത്തകള് വന്ന ഒരാഴ്ച്ചയ്ക്കകം ആണ് ധനുഷിന്റെ പവര്പാണ്ടിയെ പറ്റിയുള്ള വാര്ത്തകള് നിറയുന്നത്.
യുവ സംഗീതസംവിധായകന് സീന് റോള്ഡന് ആണ് ചിത്രത്തിന്റെ സംഗീതം ചെയ്യുന്നത്. ക്യാമറ കൈകാര്യം ചെയ്യുന്നത് വേല്രാജ്. ധനുഷ് തന്നെയാണ് ചിത്രം നിര്മ്മിക്കുന്നതും.
സിനിമകളിൽ നിന്ന് മലയാളം ഒടിടി റിലീസ് വരെ, Bigg Boss Malayalam Season 7 മുതൽ Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Malayalam Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ