കാഴ്ചക്കാരെ ഞെട്ടിച്ചുകൊണ്ട് ഷൂട്ടിംഗ് സെറ്റില്‍ എക്സൈസ് സംഘം

 സിനിമയുടെ സെറ്റില്‍ എക്‌സൈസ് സംഘം എത്തിയപ്പോള്‍ ഷൂട്ടിംഗിന് എത്തിവരും നാട്ടുകാരും ഞെട്ടി. ബുധനാഴ്ച നെടുകണ്ടം കല്ലാറിന് സമീപ് തമിഴ് സിനിമയുടെ ഷൂട്ടിംഗ് സെറ്റിലാണ് എക്‌സൈസ് സംഘം  അപ്രതീക്ഷിതമായി എതിയത്. തമിഴ് സിനിമ ഐനയുടെ ഷൂട്ടിംഗിനിടെയായിരുന്നു സംഭവം.

സംസ്ഥാന സര്‍ക്കാരിന്‍റെ ലഹരി വിമുക്ത ബോധവത്കരണ പരിപാടിയായ 'വികുത്മി'യുടെ ഭാഗമായി പുറത്തിറക്കിയ ലഘുലേഖകളുടെ വിതരണം തമിഴ് നടന്‍ നെപ്പോളിയനെ കൊണ്ട് ഉദ്ഘാടനം ചെയ്യിക്കാനെത്തിയതായിരുന്നു എക്‌സൈസ് സംഘം. 

 എക്‌സൈസ് സംഘം ലൊക്കേഷനില്‍ എത്തിയതോടെ നാട്ടുകാരും തടിച്ചുകൂടി.വിമുക്തി ബോധവത്ക്കരണ മിഷന്‍ ഉടുമ്പന്‍ ചോല റേഞ്ചിന്‍റെ കീഴില്‍ ബോധവത്കരണ പ്രവര്‍ത്തനങ്ങള്‍ ഊര്‍ജിതമാക്കുന്നതിന്‍റെ ഭാഗമായാണ് ലൊക്കേഷനില്‍ പരിപാടി സംഘടിപ്പിച്ചതെന്ന് എക്‌സൈസ് ഇന്‍പെക്ടര്‍ എസ് ഷാജി പറഞ്ഞു. 

 ലഘുലേഖയുടെ വിതരണം നടന്‍ നെപ്പോളിയന്‍ നിര്‍വഹിച്ചു. സ്‌കൂള്‍, കോളേജുകള്‍, സ്റ്റുഡന്‍സ് പോലീസ് കേഡറ്റുകള്‍, ക്ലബുകള്‍, കുടുംബശ്രീ പ്രവര്‍ത്തകര്‍ എന്നിവരിലൂടെ ലഹരി വിരുദ്ധ സന്ദേശം ജനങ്ങളില്‍ എത്തിക്കുന്നതിന്റെ ഭാഗമായാണ് എക്‌സൈസ് സംഘം ലഘുലേഖകള്‍ തയാറാക്കിയത്.