തെന്നിന്ത്യന്‍ നായികമാരുടെ അല്‍പ വസ്‍ത്രധാരണം: ഹിന ഖാനെതിരെ പൊട്ടിത്തെറിച്ച് ഹന്‍സിക

റിയാലിറ്റി ഷോയായ ബിഗ് ബോസിലെ മത്സരാര്‍ഥിയായ  ഹിനാ ഖാനെതിരെ രൂക്ഷപ്രതികരണവുമായി നടി ഹന്‍സിക. തെന്നിന്ത്യന്‍ നടിമാര്‍ക്കെതിരായ ഹിന ഖാന്റെ പരാമര്‍ശത്തിനെതിരെയാണ് ഹന്‍സിക സോഷ്യല്‍ മാധ്യമത്തിലൂടെ രംഗത്ത് എത്തിയത്.

ആരാധകരെ കയ്യിലെടുക്കാനും സിനിമയില്‍ പിടിച്ചു നില്‍ക്കാനും തെന്നിന്ത്യന്‍ നായികമാര്‍ക്ക് അല്‍പ വസ്‍ത്രധാരണവും ഗ്ലാമറസും ആകണം’ എന്നായിരുന്നു ഹിനാ ഖാന്‍ പറഞ്ഞത്. തെന്നിന്ത്യന്‍ സിനിമാ മേഖലയെ ഇത്തരത്തില്‍ തരംതാഴ്‍ത്താന്‍ ഹീനയ്ക്ക് എങ്ങനെയാണ് സാധിക്കുന്നതെന്ന് ഹന്‍സിക ചോദിച്ചു. പല ബോളിവുഡ് നടിമാരും അഭിനയം തുടങ്ങിയതും ഇപ്പോഴും അഭിനയിക്കുന്നതും തെന്നിന്ത്യന്‍ സിനിമകളിലാണെന്ന് അവര്‍ക്കറിയാത്തതാണോ. ഞങ്ങളെ തരം താഴ്ത്താന്‍ ശ്രമിച്ച നിങ്ങളോട് പരിഹാസം മാത്രം- ഹന്‍സിക പറയുന്നു.