വൈറലായ വാഹനാപകടം, അപകടത്തില്‍പെട്ടത് ജയറാമല്ല!

ജയറാമിന് ഷൂട്ടിംഗിനിടെ അപകടം പറ്റിയതുമായി ബന്ധപ്പെട്ട് വാര്‍ത്ത പ്രചരിച്ചിരുന്നു. ജയറാം ഓടിച്ച വാഹനം അപകടത്തില്‍ പെട്ടതായിട്ടായിരുന്നു വാര്‍ത്ത. അപകടത്തിന്റെ വീഡിയോയും വൈറലായിരുന്നു. എന്നാല്‍ അത് ജയറാമല്ല എന്നാണ് അദ്ദേഹത്തോട് അടുത്ത വൃത്തങ്ങള്‍ പറയുന്നത്.

ടൊയോട്ടാ ലാൻഡ് ക്രൂയിസര്‍ ജീപ്പാണ് വീഡിയോയിലുള്ളത്. കയറ്റം കയറിയെത്തിയ ജീപ്പ് പെട്ടെന്ന് നിയന്ത്രണം വിട്ട് പിന്നോട്ട് വരുകയായിരുന്നു. ജയറാമാണ് ജീപ്പ് ഓടിച്ചതെന്നു വാര്‍ത്തയും വന്നു. എന്നാല്‍ ജയറാം അല്ല ആ ജീപ്പ് ഓടിച്ചതെന്നാണ് അടുത്തവൃത്തങ്ങള്‍ പറയുന്നത്.