മധുവിൽ നിന്നും നമ്മളിലേക്ക് വിശപ്പിന്റെ ദൂരം മാത്രം: ജയസൂര്യ

അട്ടപ്പാടിയില്‍ മോഷണക്കുറ്റം ആരോപിച്ച് ആദിവാസി യുവാവ് മധുവിനെ ജനക്കൂട്ടം മര്‍ദ്ദിച്ചുകൊന്ന സംഭവത്തില്‍ പ്രതിഷേധം രേഖപ്പെടുത്തി നടന്‍ ജയസൂര്യ. മധുവിൽ നിന്നും നമ്മളിലേക്ക് വെറും വിശപ്പിന്റെ ദൂരം മാത്രമാണുള്ളതെന്ന് ജയസൂര്യ പ്രതികരച്ചു. വിശപ്പിനെ, കൊല്ലേണ്ടതിന് വിശന്നവനെ കൊല്ലുന്ന ലോകത്തേയ്ക്ക് നമ്മുടെ നാടെത്തിയതിൽ ലജ്ജിക്കുകയും വേദനിക്കുകയും ചെയ്യുന്നുവെന്ന് ജയസൂര്യ ഫേസ്ബുക്കില്‍ കുറിച്ചു.

ജയസൂര്യയുടെ ഫേസ്‌ബുക്ക് പോസ്റ്റിന്റെ പൂര്‍ണ്ണരൂപം:

മധു ... അത്..."നീയാണ് " അത്... "ഞാനാണ് " മധുവിൽ നിന്നും നമ്മളിലേക്ക് വെറും ഒരു വിശപ്പിന്റെ ദൂരം മാത്രം.. വിശപ്പിനെ, കൊല്ലേണ്ടതിന് വിശന്നവനെ കൊല്ലുന്ന ലോകത്തേയ്ക്ക് നമ്മുടെ നാടെത്തിയതിൽ ഞാനും ലജ്ജിക്കുന്നു....വേദനിക്കുന്നു...
എത്രയും പെട്ടന്ന് ഇതിനൊരു ശക്തമായി നടപടി ഉണ്ടാകുമെന്ന് അടിയൊറച്ച് ഞാൻ വിശ്വസിക്കുന്നു...