മോഹൻലാലിന്റെ ക്ലാസ് ഡയലോഗുമായി കായംകുളം കൊച്ചുണ്ണിയുടെ പുതിയ ടീസര്‍

കായംകുളം കൊച്ചുണ്ണിയുടെ പുതിയ ടീസര്‍ പുറത്തുവിട്ടു. മോഹൻലാലിന്റെ ഡയലോഗ് ഉള്‍പ്പെടുത്തിയിട്ടുള്ളതാണ് പുതിയ ടീസര്‍. നിവിൻ പോളിയും ടീസറിലുണ്ട്. ചിത്രം ഒക്ടോബര്‍ 11ന് റിലീസ് ചെയ്യും.

റോഷൻ ആന്‍ഡ്യൂസ് ആണ് ചിത്രം സംവിധാനം ചെയ്യുന്നത്. ബോബി- സഞ്ജയ് തിരക്കഥയെഴുതിയിരിക്കുന്നു. കായംകുളം കൊച്ചുണ്ണിയായി നിവിൻ പോളിയും സുഹൃത്തായ ഇത്തിക്കരപ്പക്കിയായി മോഹൻലാലും അഭിനിയിക്കുന്നു. പ്രിയ ആനന്ദ്, ബാബു ആന്റണി, കന്നഡ നടി പ്രിയങ്ക തിമ്മേഷ്, സണ്ണി വെയ്ന്‍ എന്നിവരാണ് മറ്റുതാരങ്ങള്‍. 45 കോടി ബജറ്റില്‍ 161 ദിവസങ്ങള്‍ കൊണ്ടാണ് സിനിമ ചിത്രീകരണം പൂര്‍ത്തിയാക്കിയത്. ഇതില്‍ സെറ്റിന് മാത്രം ചെലവഴിച്ചത് 12 കോടി രൂപയാണ്. ബാഹുബലിക്ക് സൗണ്ട് ഡിസൈന്‍ നിര്‍വ്വഹിച്ച സതീഷാണ് ശബ്‍ദം ഒരുക്കിയിരിക്കുന്നത്. ബാഹുബലിയുടെ നിര്‍മ്മാണ ഏകോപനം നിര്‍വ്വഹിച്ച ഫയര്‍ഫ്‌ളൈയാണ് കൊച്ചുണ്ണിയിലും സഹകരിച്ചിരിക്കുന്നത്. ബോളിവുഡ് ഛായാഗ്രാഹകനായ ബിനോദ് പ്രധാനാണ് ചിത്രത്തിന്റെ ക്യാമറ കൈകാര്യം ചെയ്തിരിക്കുന്നത്. ദക്ഷിണാഫ്രിക്കയില്‍ നിന്നുള്ള ടീമടക്കം ആക്ഷന്‍ രംഗങ്ങളില്‍ സഹകരിച്ചിട്ടുണ്ട്.