മാധുരി സൗന്ദര്യ രഹസ്യം വെളിപ്പെടുത്തി, പരസ്യക്കമ്പനി കുടുങ്ങി!

ഇന്ത്യയിലെ താര സുന്ദരിമാരില്‍ ഒന്നാം നിരയിലാണ് മാധുരി ദീക്ഷിത്തിന്റെ സ്ഥാനം. മാധുരിയുടെ സൗന്ദര്യരഹസ്യം അറിയാന്‍ ആരാധകര്‍ക്കെല്ലാം ആഗ്രഹവുമുണ്ടായിരിക്കും. ഒടുവില്‍ മാധുരി തന്റെ സൗന്ദര്യ രഹസ്യം വെളിപ്പെടുത്തി. പക്ഷേ അതോടെ മാധുരി പരസ്യത്തില്‍ അഭിനയിച്ച കമ്പനിയാണ് കുടുങ്ങിയത്.

സംഭവം ഇങ്ങനെ - കഴിഞ്ഞ ദിവസം ഒരു പൊതുപരിപാടിക്കിടെ മാധുരി തന്റെ സൗന്ദര്യത്തെ കുറിച്ച് പറഞ്ഞു. പ്രമുഖ സ്കിൻ കെയർ ക്രീം ആണെന്ന് തന്റെ സൗന്ദര്യത്തിന് കാരണമെന്നായിരുന്നു മാധുരിയുടെ വെളിപ്പെടുത്തല്‍. എന്നാല്‍ വർഷങ്ങളായി മറ്റൊരു പ്രമുഖ സ്കിൻ കെയർ ക്രീമിന്റെ ബ്രാൻഡ് അംബാസിഡറായിരുന്നു മാധുരി. ഈ ബ്രാന്‍ഡിന്റെ ക്രീം ആണ് താന്‍ മുഖത്തു തേക്കുന്നതെന്നും തന്റെ സൗന്ദര്യത്തിനു കാരണമെന്നുമായിരുന്നു മാധുരി പരസ്യത്തില്‍ പറഞ്ഞിരുന്നു. എന്നാല്‍ യഥാര്‍ഥത്തില്‍ മറ്റൊരു ക്രീം ആണ് താന്‍ തേക്കുന്നത് എന്നു അബദ്ധത്തില്‍ പറഞ്ഞതോടെ കുടുങ്ങിയിരിക്കുന്നത് മാധുരി മോഡലായിരുന്ന കമ്പനിയാണ്.