ആകാംക്ഷ നിറച്ച് നീരാളി ട്രെയിലര് പുറത്തിറങ്ങി
Synopsis
അജോയ് വര്മ്മ-മോഹന്ലാല് ചിത്രം നീരാളിയുടെ ട്രെയിലര് കാണാം
ആരാധകര് ഏറെ പ്രതീക്ഷയോടെ കാത്തിരുന്ന അജോയ് വര്മ്മ-മോഹന്ലാല് ചിത്രം നീരാളിയുടെ ട്രെയിലര് പുറത്തിറങ്ങി. തന്റെ ഓഫീഷ്യല് ഫേസ്ബുക്ക് പേജിലൂടെ മോഹന്ലാല് തന്നെ ട്രെയിലര് പുറത്തിറക്കി. സസ്പെൻസ് ത്രില്ലറായി ഒരുങ്ങുന്ന ചിത്രത്തിന്റെ ട്രെയിലറിലും നിഗൂഢതകൾ ഒളിഞ്ഞിരിക്കുന്നു.
ദസ്തോല, എസ് ആർ കെ എന്നീ ഹിന്ദി ചിത്രങ്ങളുടെ സംവിധായകനായ അജോയ് വർമയുടെ ആദ്യ മലയാളചിത്രമാണിതെന്ന പ്രത്യേകതയും ചിത്രത്തിനുണ്ട്. സാജു തോമസ് തിരക്കഥ നിര്വഹിച്ച നീരാളിയുടെ ഷൂട്ടിംഗ് മുംബൈ, പൂനൈ, ശ്രീലങ്ക എന്നിവിടങ്ങളിലായിരുന്നു. ബിഗ്ബജറ്റ് ചിത്രം ഒടിയനൊപ്പമാണ് ലാല് ഈ ചിത്രത്തിലും അഭിനയിച്ചത്.
വരുന്ന ജൂണ് 14-ന് തീയേറ്ററുകളിലെത്തുമെന്ന് പ്രതീക്ഷിക്കുന്ന ഈ ചിത്രത്തിന്റെ സംഗീതസംവിധാനം നിര്വഹിച്ചിരിക്കുന്നത് സ്റ്റീഫന് ദേവസ്യയാണ്. മൂണ്ഷോട്ട് എന്റര്ടെയ്ന്മെന്റിന്റെ ബാനറില് സന്തോഷ് ടി കുരുവിള, ജോണ് തോമസ്, മിബു ജോസ് നെറ്റിക്കാടന് എന്നിവര് ചേര്ന്നാണ് നീരാളി നിര്മ്മിക്കുന്നത്.
സിനിമകളിൽ നിന്ന് മലയാളം ഒടിടി റിലീസ് വരെ, Bigg Boss Malayalam Season 7 മുതൽ Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Malayalam Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ