പുലിമുരുകന്റെ മാല ഇനി വിദേശ വ്യവസായിക്ക് സ്വന്തം

മോഹന്‍ലാലിന്‍റെ പുലിമുരുകനിലെ മാല ഇനി വിദേശ വ്യവസായിക്ക് സ്വന്തം. ലാല്‍ സ്റ്റോറില്‍ ലേലത്തിനുവച്ച മാല ഒരുലക്ഷത്തിലേറെ രൂപ നല്‍കിയാണ് വിദേശ വ്യവസായി സ്വന്തമാക്കിയത്. കൊച്ചിയില്‍ നടന്ന ചടങ്ങില്‍ മോഹന്‍ലാല്‍ തന്നെ മാല കൈമാറി.

മലയാള സിനിമാ ചരിത്ത്തിന്‍റെ ഭാഗമായ പുലിമുരുകനിലെ മുരുകന്റെ മാല. മോഹന്‍ലാലിന്റെ ഔദ്യോഗിക വെബ്സൈറ്റായ ദ കംപ്ലീറ്റ് ആക്ടറിലെ ലാല്‍ സ്റ്റോറിലാണ് മാല ലേലത്തിന് വച്ചത്.

ഒരുലക്ഷത്തി പതിനയ്യായിരം രൂപയ്‌ക്ക് വിദേശ വ്യവസായി അരുണിന് വേണ്ടി സുഹൃത്താണ് ലേലത്തില്‍ പിടിച്ചത്.കൊച്ചിയില്‍ നടന്ന ചടങ്ങില്‍ മോഹല്‍ലാല്‍ മാല കൈമാറി.മാല പൊന്നുപോലെ സൂക്ഷിക്കുമെന്ന് മോഹന്‍ലാലിന്റെ കടുത്ത ആരാധനായ വ്യവസായി അരുണ്‍ പറഞ്ഞു. ലേലത്തുക ജീവകാരുണ്യ പ്രവര്‍ത്തനത്തിന് ഉപയോഗിക്കാനാണ് തീരുമാനം.