പൃഥ്വി ഭാവന ചിത്രം ആദം ഉടന് ആരംഭിക്കും
Synopsis
'ഇവിടെ' എന്ന ശ്യാമപ്രസാദ് ചിത്രത്തിന് ശേഷം പൃഥ്വിരാജും, ഭാവനയും ഒന്നിക്കുന്ന 'ആദം' ഉടന്. മാസ്റ്റേഴ്സ് എന്ന പൃഥ്വി ചിത്രത്തിന്റെ തിരക്കഥാകൃത്ത് ജിനു എബ്രഹാമിന്റെ ആദ്യ സംവിധാന സംരംഭമാണ് ആദം. പൃഥ്വിരാജിനും ഭാവനയ്ക്കും പുറമേ നരേനും ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്നു. റോബിന്ഹുഡ് സിനിമയ്ക്ക് ശേഷം മൂന്നു താരങ്ങളും ഒന്നിക്കുന്ന ചിത്രം കൂടിയാണ് ആദം.
റൊമാന്റിക് എന്റര്ടെയ്നറാണ് ആദം. പൃഥ്വിരാജ് അവതരിപ്പിക്കുന്ന പാലാക്കാരന് പ്ലാന്റര് കഥാപാത്രത്തിന്റെ പേരാണ് ആദം ജോണ് പോത്തന്. സുഹൃത്തായ സിറിയക് എന്ന കഥാപാത്രമായി നരേന് എത്തുന്നു. കേരളവും സ്കോട്ലന്റുമാണ് പ്രധാന ലൊക്കേഷന്. കേരളത്തിലെ ആദ്യ ഷെഡ്യൂള് ഈ ആഴ്ച തന്നെ ആരംഭിക്കുമെന്നും സംവിധായകന് പറഞ്ഞു. കോട്ടയം സിഎംഎസ് കോളേജിലാകും ആദ്യ ഷൂട്ടിങ്.
മൈ സ്റ്റോറി, ടിയാന് എന്നിവയാണ് ഷൂട്ടിങ് പൂര്ത്തിയായ പൃഥ്വിരാജ് ചിത്രങ്ങള്. ലാല് ജൂനിയറിന്റെ ഹണിബീ2 ആണ് ഭാവനയുടേതായി ഉടന് എത്തുന്ന ചിത്രം. ഈ വര്ഷം പകുതിയോടെ ആദം തീയറ്ററുകളിലെത്തും.
സിനിമകളിൽ നിന്ന് മലയാളം ഒടിടി റിലീസ് വരെ, Bigg Boss Malayalam Season 7 മുതൽ Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Malayalam Movie Review എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ